ਯਾਨਿ ਕਿ ਐਨੀਆਂ ਥੋੜੀਆਂ ਜਿਹੀਆਂ ਜੜੀਆਂ ਬੂਟੀਆਂ ਦੀ ਬਹੁਤ ਹੀ ਥੋੜੀ ਜਾਣਕਾਰੀ ਦੇ ਅਧਾਰ ਤੇ ਅਸੀਂ ਐਨਾ ਮਾਣ ਕਰ ਸਕਦੇ ਹਾਂ। ਇਸਦਾ ਮਤਲਬ ਜੇ ਇਸ ਪ੍ਰਣਾਲੀ ਨੂੰ ਆਮ ਲੋਕਾਂ ਤੱਕ ਪਹੁੰਚਾਇਆ ਜਾਵੇ ਤਾਂ ਬੇਹੱਦ ਜ਼ਿਆਦਾ ਮੈਡੀਕਲ ਖਰਚਿਆਂ ਤੋਂ ਵੀ ਬਚਿਆ ਜਾ ਸਕਦਾ ਹੈ ਤੇ ਬਿਨਾਂ ਕਿਸੇ ਸਾਈਡ ਇਫੈਕਟ ਦੇ ਤੰਦਰੁਸਤ ਵੀ ਰਿਹਾ ਜਾ ਸਕਦਾ ਹੈ। ਜੇ ਇਹਨਾਂ ਜੜੀ ਬੂਟੀਆਂ ਤੇ ਸੰਸਾਰ ਭਰ ਦੇ ਵਿਗਿਆਨੀ ਖੋਜ ਕਰਨ ਲਾ ਦਿੱਤੇ ਜਾਣ ਤੇ ਹਰ ਤਰਾਂ ਦੇ ਨਵੇਂ ਪੁਰਾਣੇ ਵੈਦਾਂ, ਹਕੀਮਾਂ ਆਦਿ ਤੋਂ ਵੀ ਉਹਨਾਂ ਦੇ ਤਜ਼ਰਬੇ ਮੁਤਾਬਕ ਜਾਣਕਾਰੀ ਇਕੱਠੀ ਕੀਤੀ ਜਾਵੇ ਤਾਂ ਇਸ ਸੰਸਾਰ ਦੇ ਹਰ ਜੀਵ ਨੂੰ ਅਰੋਗ ਕੀਤਾ ਜਾ ਸਕਦਾ ਹੈ ਬਲਕਿ ਬਿਲਕੁਲ ਮੁਫਤ ਵਿੱਚ ਕੀਤਾ ਜਾ ਸਕਦਾ ਹੈ। ਜੇ ਇਹਨਾਂ ਜੜੀ ਬੂਟੀਆਂ ਬਾਰੇ ਡੂੰਘੀ ਖੋਜ ਪੜਤਾਲ ਕਰਕੇ ਜਨ ਸਾਧਾਰਣ ਨੂੰ ਵੀ ਜੜੀ ਬੂਟੀਆਂ ਬਾਰੇ ਜਾਣਕਾਰੀ ਦਿੱਤੀ ਜਾਵੇ ਤੇ ਵਰਤੋਂ ਬਾਰੇ ਵੀ ਦੱਸਿਆ ਜਾਵੇ ਤਾਂ ਲੋਕਾਂ ਨੇ ਅਪਣੇ ਗਮਲਿਆਂ ਵਿੱਚ ਹੀ ਅਲੱਗ ਅਲੱਗ ਰੋਗਾਂ ਦੀਆਂ ਜੜੀਆਂ ਬੂਟੀਆਂ ਬੀਜ ਲੈਣੀਆਂ ਹਨ। ਹੁਣ ਲੋਕਾਂ ਨੇ ਫਾਲਤੂ ਦੇ ਪੌਦੇ ਗਮਲਿਆਂ ਚ ਲਾ ਰੱਖੇ ਹਨ ਜਿਹਨਾਂ ਦਾ ਕੋਈ ਲਾਭ ਨਹੀਂ। ਬਹੁਤ ਨੇ ਤਾਂ ਘਰ ਚ ਵਿਹੜੇ ਵਿੱਚ ਵੀ ਫਾਲਤੂ ਦਾ ਘਾਹ ਹੀ ਲਾ ਰੱਖਿਆ ਹੈ। ਜਿਸ ਦੀ ਸੰਭਾਲ ਵਾਸਤੇ ਵੀ ਕੋਈ ਮਾਲੀ ਰੱਖਿਆ ਹੁੰਦਾ ਹੈ ਤੇ ਘਾਹ ਚ ਮੱਛਰ, ਕਾਕਰੋਚ, ਟਿੱਡੀਆਂ ਆਦਿ ਵੀ ਬਣਕੇ ਪਰਿਵਾਰ ਨੂੰ ਬੀਮਾਰ ਕਰਦੇ ਰਹਿੰਦੇ ਹਨ। ਜੇ ਐਨੀ ਜਗਾ ਵਿਚ ਜੜੀ ਬੂਟੀਆਂ ਬੀਜੀਆਂ ਜਾਣ। ਜੇ ਸਿਰਫ ਸੋਹਣੇ ਲੱਗਣ ਵਾਲੇ ਵਿਦੇਸ਼ੀ ਪੌਦਿਆਂ ਦੀ ਜਗ੍ਹਾ ਮੈਡੀਸਿਨਲ ਪੌਦੇ ਲਾਏ ਜਾਣ। ਜੇ ਉਹਨਾਂ ਪੌਦਿਆਂ ਤੇ ਸਬਜ਼ੀ, ਸਲਾਦ ਦੀਆਂ ਵੇਲਾਂ ਚੜਾਈਆਂ ਜਾਣ ਤਾਂ ਕਿੰਨਾ ਲਾਭ ਵੀ ਹੋਵੇ ਅਤੇ ਜਗਾ ਦੀ ਵਰਤੋਂ ਵੀ ਸਹੀ ਹੋਵੇ। ਲੋਕਾਂ ਨੂੰ ਜਾਣਕਾਰੀ ਨਾਂ ਹੋਣ ਕਰਕੇ ਲੋਕ ਅਪਣੇ ਅਪਣੇ ਦਿਮਾਗ ਅਨੁਸਾਰ ਬਹੁਤ ਕੁੱਝ ਗਲਤ ਕਰ ਰਹੇ ਹਨ ਤੇ ਬੀਮਾਰ ਹੋ ਰਹੇ ਹਨ। ਜਿਸਤੋਂ ਲੋਕਾਂ ਨੂੰ ਬਚਾਉਣਾ ਜ਼ਰੂਰੀ ਹੈ। ਕਿਸੇ ਵੀ ਦੇਸ਼ ਦੀ ਸਰਕਾਰ ਨੇ ਅਜੇ ਤੱਕ ਲੋਕਾਂ ਨੂੰ ਘਰਾਂ ਚ ਫਜ਼ੂਲ ਦੀਆਂ ਚੀਜ਼ਾਂ ਨੂੰ ਉਗਾਉਣਾ ਛੱਡਕੇ ਸਿਹਤ ਅਤੇ ਵਾਤਾਵਰਣ ਦੇ ਫਾਇਦੇਮੰਦ ਪੌਦਿਆਂ, ਜੜੀ ਬੂਟੀਆਂ ਉਗਾਉਣ ਬਾਰੇ ਨਹੀਂ ਦੱਸਿਆ। ਹਰੇਕ ਦੇਸ਼ ਚ ਸਰਕਾਰੀ ਮਨਜ਼ੂਰੀ ਹੇਠ ਹੀ ਕੁਦਰਤੀ ਜੜੀ ਬੂਟੀਆਂ ਨੂੰ ਸਾੜ, ਭੁੰਨ, ਉਬਾਲ ਕੇ ਅਨੇਕਾਂ ਹਰਬਲ ਕੰਪਨੀਆਂ ਦੁਆਰਾ ਖਰਾਬ ਕੀਤਾ ਜਾ ਰਿਹਾ ਹੈ ਤੇ ਦਵਾਈਆਂ ਦੇ ਸਿਰਪ, ਲੋਸ਼ਨ, ਜੈੱਲ, ਕਰੀਮਾਂ ਜਾਂ ਹੋਰ ਪ੍ਰਡਕਟਸ ਵਿਚ ਅਨੇਕਾਂ ਕੈਮੀਕਲਜ਼, ਪਰੈੱਜ਼ਰਵੇਟਿਵਜ਼, ਸਵੀਟਨਰਜ਼, ਪਿਗਮੈਂਟਸ ਆਦਿ ਜਲਦੀ ਰਿਜ਼ਲਟ ਲੈਣ ਜਾਂ ਲੋਕਾਂ ਨੂੰ ਭਰਮਾਉਣ ਲਈ ਮਿਲਾਏ ਜਾਂਦੇ ਹਨ। ਕੁੱਝ ਕੰਪਨੀਆਂ ਨੇ ਤਾਂ ਕੁਦਰਤੀ ਜੜੀ ਬੂਟੀਆਂ ਦੀਆਂ ਗੋਲੀਆਂ, ਕੈਪਸੂਲ, ਸਿਰਪ, ਰਸ, ਜੈੱਲ ਅਤੇ ਡਿਕੌਕਸ਼ਨ ਆਦਿ ਬਣਾਕੇ ਐਨੇ ਮਸ਼ਹੂਰ ਕਰ ਦਿੱਤੇ ਹਨ ਕਿ ਲੋਕ ਹਰਬਲ ਦਵਾਈਆਂ ਦੇ ਨਾਂ ਤੋਂ ਸਮਝਦੇ ਹਨ ਕਿ ਹਰਬਲ ਦਵਾਈਆਂ ਉਹ ਹੁੰਦੀਆਂ ਹਨ ਜਿਹਨਾਂ ਦੇ ਜੈੱਲ ਜਾਂ ਲੋਸ਼ਨ ਆਦਿ ਹੁੰਦੇ ਹਨ ਤੇ ਉਹ ਬਹੁਤ ਮਹਿੰਗੀਆਂ ਹੁੰਦੀਆਂ ਹਨ ਤੇ ਹਮੇਸ਼ਾ ਬੋਤਲਾਂ ਚ ਜਾਂ ਡੱਬਿਆਂ ਚ ਆਉਂਦੀਆਂ ਹਨ। ਅਸਲ ਵਿੱਚ ਕੱਚੀਆਂ ਦਵਾਈਆਂ ਹੀ ਹਰਬਲ ਮੈਡੀਸਿਨਜ਼ ਹੁੰਦੀਆਂ ਹਨ। ਅਤੇ ਕੱਚੀਆਂ ਦਵਾਈਆਂ ਦਾ ਰਿਜ਼ਲਟ ਵੀ ਵਧੀਆ ਹੁੰਦਾ ਹੈ। ਅਤੇ ਇਹ ਬਹੁਤ ਸਸਤੀਆਂ ਹੁੰਦੀਆਂ ਹਨ। ਹਰਬਲ ਦਵਾਈਆਂ ਚ ਕੋਈ ਵੀ ਸਪੈਸ਼ਲਿਸਟ ਨਹੀਂ ਹੁੰਦਾ ਬਲਕਿ ਇਸ ਚ ਦਵਾਈਆਂ ਹੀ ਸਪੈਸ਼ਲਿਸਟ ਵਾਂਗ ਕੰਮ ਕਰਦੀਆਂ ਹਨ। ਯਾਨਿ ਕਿ ਕੋਈ ਦਵਾਈ ਦਿਲ ਸੰਬੰਧੀ ਰੋਗਾਂ ਦੀ, ਕੋਈ ਜਿਗਰ ਸੰਬੰਧੀ, ਕੋਈ ਗੁਪਤ ਰੋਗਾਂ ਦੀ ਤੇ ਕੋਈ ਸਿਰਫ ਚਮੜੀ ਰੋਗਾਂ ਆਦਿ ਦੀ ਹੁੰਦੀ ਹੈ। ਕਹਿਣ ਤੋਂ ਭਾਵ ਹੈ ਕਿ ਕੋਈ ਵੀ ਰੋਗ ਬਣਨ ਤੇ ਸਭ ਤੋਂ ਪਹਿਲਾਂ ਜੜੀ ਬੂਟੀਆਂ ਦੀ ਢੰਗ ਸਿਰ ਵਰਤੋ ਕਰਨੀ ਚਾਹੀਦੀ ਹੈ। ਤਾਂ ਕਿ ਖਤਰਨਾਕ ਅੰਗਰੇਜ਼ੀ ਦਵਾਈਆਂ ਆਪੇ ਖਾਣ ਦੀ ਖਤਰਨਾਕ ਆਦਤ ਤੋਂ ਵੀ ਬਚਿਆ ਜਾ ਸਕੇ ਅਤੇ ਫਾਲਤੂ ਖਰਚੇ ਵੀ ਘਟਾਏ ਜਾ ਸਕਣ। ਜੜੀ ਬੂਟੀਆਂ ਦੀ ਵਰਤੋਂ ਤਾਂ ਹੀ ਹੋ ਸਕਦੀ ਹੈ ਜੇ ਸਰਕਾਰ ਲੋਕਾਂ ਨੂੰ ਟੀਵੀ, ਅਖਬਾਰਾਂ, ਰੇਡੀਓ, ਇੰਟਰਨੈੱਟ ਆਦਿ ਆਮ ਲੋਕਾਂ ਨੂੰ ਪਿੰਡ ਪੱਧਰ ਤੇ ਜਾਣਕਾਰੀ ਜਾਂ ਟਰੇਨਿੰਗ ਦੇਵੇ। ਇਹ ਟਰੇਨਿੰਗ ਧਾਰਮਿਕ ਸੰਸਥਾਵਾਂ, ਡੇਰੇ, ਕਲੱਬਾਂ, ਪੰਚਾਇਤਾਂ ਆਦਿ ਵੀ ਦੇ ਸਕਦੇ ਹਨ। ਲੇਕਿਨ ਜਲਦੀ ਹੀ ਪੰਜਾਬ ਵਿੱਚ ਖਤਰਨਾਕ ਦਵਾਈਆਂ ਦੇ ਸਸਤੇ ਸਟੋਰ ਖੁੱਲ ਜਾਣਗੇ। ਇਹ ਓਸ ਧੰਨ ਸ਼੍ਰੀ ਗੁਰੂ ਬਾਬਾ ਨਾਨਕ ਜੀ ਦੇ ਨਾਮ ਤੇ ਖੁੱਲਣਗੇ ਜਿਸਨੇ ਸਾਰੀ ਉਮਰ ਆਪ ਕੋਈ ਦਵਾਈ ਨਹੀਂ ਵਰਤੀ ਤੇ ਜਿਸਨੇ ਐਸੀ ਕਮਾਲ ਦੀ ਜੀਵਨ ਜਾਚ ਸਿਖਾਈ ਜਿਸ ਤੇ ਚੱਲਣ ਤੇ ਕੋਈ ਵੀ ਵਿਅਕਤੀ ਸਰੀਰਕ ਜਾਂ ਮਾਨਸਿਕ ਪੱਖੋਂ ਕਦੇ ਵੀ ਬੀਮਾਰ ਨਹੀਂ ਹੋਵੇਗਾ। ਪ੍ਰੰਤੂ ਆਪਾਂ ਪੰਜਾਬੀਆਂ ਨੇ ਅਪਣ ਬਹੁਤ ਲੋਕ ਬਾਬਾ ਨਾਨਕ ਦੇ ਪੱਕੇ ਸ਼ਰਧਾਲੂ ਜਾਂ ਫੈਨ ਹਨ। ਤਦ ਅੰਗਰੇਜ਼ੀ ਦਵਾਈਆਂ ਸਭ ਦੀ ਪਹੁੰਚ ਚ ਬਹੁਤ ਸਸਤੇ ਚ ਹੋਣਗੀਆਂ। ਤਦ ਪੰਜਾਬੀਆਂ ਦੀ ਸਿਹਤ ਬਣਨ ਦੀ ਬਜਾਏ ਹੋਰ ਗਿਰਾਵਟ ਵੱਲ ਜਾਏਗੀ। ਬਹੁਤ ਅਮੀਰ ਲੋਕਾਂ ਨੇ ਅੰਗਰੇਜ਼ੀ ਦਵਾਈਆਂ ਬਣਾਉਣ ਦੇ ਕਾਰਖਾਨੇ ਲਾ ਰੱਖੇ ਹਨ। ਉਹਨਾਂ ਨੇ ਅਪਣਾ ਪੂਰਾ ਫਾਇਦਾ ਕੱਢਕੇ ਹੀ ਦਵਾਈਆਂ ਮਾਰਕਿਟ ਚ ਲਿਆਂਦੀਆਂ ਹੁੰਦੀਆਂ ਹਨ। ਅੱਗੇ ਚਾਹੇ ਤੁਸੀਂ ਕੰਟਰੋਲ ਰੇਟ ਤੇ ਵੰਡੋ ਜਾਂ ਮੁਫ਼ਤ ਵੰਡੋ, ਅਮੀਰ ਨੂੰ ਤਾਂ ਓਨਾ ਹੀ ਫ਼ਾਇਦਾ ਹੋਣਾ ਹੈ ਜਿੰਨੀ ਦਵਾਈ ਜ਼ਿਆਦਾ ਲੱਗੇਗੀ। ਹੁਣ ਜਿੰਨੀ ਅੰਗਰੇਜ਼ੀ ਦਵਾਈ ਸਸਤੀ ਹੋਵੇਗੀ ਓਨੇ ਲੋਕ ਜ਼ਿਆਦਾ ਦਵਾਈ ਵਰਤਣਗੇ। ਓਨੀ ਲਾ-ਪ੍ਰਵਾਹੀ ਵੀ ਕਰਨਗੇ। ਓਨੇ ਹੀ ਹਸਪਤਾਲਾਂ ਚ ਭੀੜ ਵਧੇਗੀ। ਓਨਾ ਹੀ ਡਾਕਟਰ ਲੋਕਾਂ ਨੂੰ ਹੋਰ ਲੁੱਟਣਗੇ। ਓਨਾ ਹੀ ਕੁਦਰਤੀ ਪ੍ਰਣਾਲੀਆਂ ਤੋਂ ਵੀ ਲੋਕ ਦੂਰ ਹਟਣਗੇ। ਅਸਲ ਵਿੱਚ ਖਤਰਨਾਕ ਦਵਾਈਆਂ ਸਸਤੀਆਂ ਕਰਨ ਨਾਲ ਕੋਈ ਹੱਲ ਨਹੀਂ ਹੋਣਾ। ਲੋਕਾਂ ਨੂੰ ਦਵਾਈਆਂ ਤੋਂ ਬਗ਼ੈਰ ਤੰਦਰੁਸਤ ਰਹਿਣ ਦੀ ਜਾਚ ਸਿਖਾਉਣੀ ਪਵੇਗੀ। ਕਿਉਂਕਿ ਦਵਾਈਆਂ ਨਾਲ ਸਿਹਤ ਕਿਸੇ ਵੀ ਹਾਲਤ ਨਹੀਂ ਬਣਾਈ ਜਾ ਸਕਦੀ, ਸਿਰਫ ਚੱਲਣ ਫਿਰਨ ਜੋਗੇ ਹੀ ਹੋਇਆ ਜਾ ਸਕਦਾ ਹੈ। ਯਾਨਿ ਕਿ ਦਵਾਈਆਂ ਤੋਂ ਬਚਕੇ ਹੀ ਸਿਹਤਵੰਦ ਰਿਹਾ ਜਾ ਸਕਦਾ ਹੈ। ਸ਼੍ਰੀ ਗੁਰੂ ਨਾਨਕ ਸਾਹਿਬ ਜੀ ਨੇ ਸਦਾ ਤੰਦਰੁਸਤ ਰਹਿਣ ਦੇ ਪੱਕੇ ਫਾਰਮੂਲੇ ਸੁਝਾਏ ਹਨ। ਗੁਰੂ ਸਾਹਿਬ ਨੇ ਹੱਥੀਂ ਕਿਰਤ ਕਰਨ, ਸਾਦਾ ਖਾਣ ਪੀਣ, ਸਾਦਾ ਰਹਿਣ ਸਹਿਣ, ਹਰ ਤਰ੍ਹਾਂ ਦੇ ਨਸ਼ਿਆਂ ਤੋਂ ਦੂਰ ਰਹਿਣ, ਹਰ ਤਰ੍ਹਾਂ ਦੇ ਵਹਿਮਾਂ ਭਰਮਾਂ ਤੋਂ ਦੂਰ ਰਹਿਣ, ਗ੍ਰਹਿਸਥ ਮਾਰਗ ਅਪਣਾਉਣ ਅਤੇ ਪਰਿਵਾਰ ਦੀ ਵੱਧ ਤੋਂ ਵੱਧ ਦੇਖਭਾਲ ਕਰਨ ਆਦਿ ਦੇ ਕਲਿਆਣਕਾਰੀ ਨਿਯਮ ਦੱਸੇ ਹਨ। ਅਜਿਹੀ ਜੀਵਨ ਜਾਚ ਲੋਕਾਂ ਨੂੰ ਅਪਣਾਉਣ ਲਈ ਦੱਸਣ ਵਾਲੇ ਮਾਹਿਰ ਤਿਆਰ ਕਰਨ ਦੀ ਲੋੜ ਹੈ। ਜੋ ਆਪ ਵੀ ਤੇ ਉਹਨਾਂ ਦਾ ਪਰਿਵਾਰ ਵੀ ਤੰਦਰੁਸਤ ਹੋਵੇ, ਜੋ ਸਭ ਤਰਾਂ ਦੇ ਨਸ਼ਿਆਂ ਅਤੇ ਊਟਪਟਾਂਗ ਖਾਣਿਆਂ ਤੋਂ ਰਹਿਤ ਹੋਣ। ਹੋਮੋਪੈਥੀ, ਅਯੁਰਵੈਦ, ਯੂਨਾਨੀ, ਹਰਬਲ ਮੈਡੀਸਨ, ਇਲੈਕਟਰੋਹੋਮੋਪੈਥੀ, ਯੋਗਾ, ਸ਼ਾਇਤਸੂ, ਨਿਉਰੋਥਰੈਪੀ, ਹਿਪਨੌਸਿਸ, ਕਰੋਮੋਪੈਥੀ, ਅਰੋਮਾਪੈਥੀ, ਮਸਾਜ ਥਰੈਪੀ, ਡਾਈਟ ਥਰੈਪੀ, ਐਕੂਪੰਕਚਰ, ਐਕਪ੍ਰੈਸ਼ਰ, ਚਾਇਨੀਜ਼ ਟਰੇਡੀਸ਼ਨਲ ਮੈਡੀਸਨ, ਮੈਗਨੈਟੋਥਰੋਪੀ, ਰਿਫਲੈਕਸੋਲੋਜੀ ਆਦਿ ਇਲਾਜ ਪ੍ਰਣਾਲੀਆਂ ਬਾਰੇ ਸਕੂਲ ਲੈਵਲ ਤੋਂ ਹੀ ਜਾਣਕਾਰੀ ਦੇਣੀ ਸ਼ੁਰੂ ਕਰਨੀ ਚਾਹੀਦੀ ਹੈ। ਇਹਨਾਂ ਕੁਦਰਤੀ ਅਤੇ ਸਸਤੀਆਂ ਇਲਾਜ ਪ੍ਰਣਾਲੀਆਂ ਦੇ ਪ੍ਰਚਾਰ, ਪ੍ਰਸਾਰ ਲਈ ਸਰਕਾਰਾਂ, ਕਲੱਬਾਂ, ਪੰਚਾਇਤਾਂ, ਧਾਰਮਿਕ ਸੰਸਥਾਵਾਂ ਆਦਿ ਨੂੰ ਕੋਸ਼ਿਸ਼ ਕਰਨੀ ਚਾਹੀਦੀ ਹੈ, ਇਹਨਾਂ ਸਭ ਪ੍ਰਣਾਲੀਆਂ ਨੂੰ ਮਾਣਤਾ ਮਿਲਣੀ ਚਾਹੀਦੀ ਹੈ, ਇਹਨਾਂ ਦੇ ਹਰ ਸ਼ਹਿਰ ਚ ਟਰੇਨਿੰਗ ਕਾਲਜ ਖੁੱਲਣੇ ਚਾਹੀਦੇ ਹਨ। ਇਸ ਵਾਸਤੇ ਸ਼ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਨੂੰ ਪਹਿਲ ਕਰਨੀ ਚਾਹੀਦੀ ਹੈ। ਸਿੱਖਾਂ ਵਿੱਚ ਜਮਾਂਦਰੂ ਤੌਰ 'ਤੇ ਸੇਵਾ ਭਾਵਨਾ ਜ਼ਿਆਦਾ ਹੁੰਦੀ ਹੈ। ਇਸਲਈ ਸਿੱਖਾਂ ਨੂੰ ਇਹਨਾਂ ਕੁਦਰਤੀ ਇਲਾਜ ਪ੍ਰਣਾਲੀਆਂ ਵਿੱਚ ਸਿੱਖ ਨੌਜਵਾਨਾਂ ਨੂੰ ਲਾਉਣਾ ਚਾਹੀਦਾ ਹੈ। ਇਸ ਨਾਲ ਸੰਸਾਰ ਵਿੱਚ ਸਿੱਖ ਕੁਦਰਤੀ ਇਲਾਜ ਪ੍ਰਣਾਲੀਆਂ ਦੇ ਮਾਹਿਰ ਦੇ ਤੌਰ ਤੇ ਮਸ਼ਹੂਰ ਹੋ ਜਾਣਗੇ ਤੇ ਆਪ ਵੀ ਤੰਦਰੁਸਤ ਰਹਿਣਗੇ। ਇੱਕ ਕੇਸਾਧਾਰੀ ਗੁਰਸਿੱਖ ਆਪ ਪੂਰੀ ਤਰ੍ਹਾਂ ਨਸ਼ਾ ਰਹਿਤ, ਵਹਿਮ ਭਰਮ ਰਹਿਤ ਹੋਵੇ, ਤੰਦਰੁਸਤ ਹੋਵੇ ਤੇ ਕੁਦਰਤ ਨਾਲ ਜੁੜਿਆ ਹੋਵੇ ਤਾਂ ਉਸ ਦੇ ਮੂੰਹੋਂ ਕੁਦਰਤੀ ਇਲਾਜ ਪ੍ਰਣਾਲੀਆਂ ਦੇ ਇਲਾਜ ਦੀ ਗੱਲ ਜ਼ਿਆਦਾ ਜਚੇਗੀ। ਤੇ ਲੋਕ ਕੁਦਰਤ ਨਾਲ ਜ਼ਿਆਦਾ ਜੁੜਨਗੇ। ਉਂਜ ਵੀ ਹਰ ਦੇਸ਼ ਦੇ ਹਰ ਸ਼ਹਿਰ ਵਿੱਚ ਸਿੱਖ ਗੁਰਦੁਆਰਾ ਸਾਹਿਬ ਹਨ। ਜਿਹਨਾਂ ਰਾਹੀਂ ਸਿੱਖ ਨੌਜਵਾਨ ਸਾਰੇ ਸੰਸਾਰ ਦੇ ਸਿੱਖਾਂ ਨੂੰ ਇਹਨਾਂ ਕੁਦਰਤੀ ਇਲਾਜ ਪ੍ਰਣਾਲੀਆਂ ਨਾਲ ਜੋੜ ਵੀ ਸਕਦੇ ਹਨ ਤੇ ਬਾਕੀ ਸਭ ਦਾ ਭਲਾ ਕਰਨ ਦੇ ਸਿੱਖ ਗੁਰੂ ਸਾਹਿਬਾਨ ਦੇ ਹੁਕਮ ਦੀ ਪਾਲਣਾ ਵੀ ਕਰ ਸਕਣਗੇ। ਉਹ ਅਪਣੀ ਗੱਲ ਮਨਾਉਣ ਲਈ ਗੁਰਬਾਣੀ ਦਾ ਸਹਾਰਾ ਲੈ ਸਕਦੇ ਹਨ। ਨਹੀਂ ਤਾਂ ਸਾਡੇ ਵਰਗੇ ਘੋਨਿਆਂ ਮੋਨਿਆਂ ਤੇ ਕਿੰਤੂ ਪ੍ਰੰਤੂ ਜ਼ਿਆਦਾ ਹੋਣ ਕਾਰਨ ਸਾਡੀਆਂ ਗੱਲਾਂ ਲੋਕਾਂ ਦੇ ਜਲਦੀ ਹਜ਼ਮ ਨਹੀਂ ਹੋਣਗੀਆਂ। ਇਹਨਾਂ ਨਾਲ ਇਲਾਜ ਕਰਨ ਦੇ ਸੈਂਟਰ ਪਿੰਡ ਲੈਵਲ ਤੇ ਖੁੱਲਣੇ ਚਾਹੀਦੇ ਹਨ। ਨਹੀਂ ਤਾਂ ਇਹ ਕਮਾਲ ਦੀਆਂ ਪ੍ਰਣਾਲੀਆਂ ਖਤਮ ਹੋ ਜਾਣਗੀਆਂ। ਉਂਜ ਵੀ ਇਹਨਾਂ ਪ੍ਰਣਾਲੀਆਂ ਦੀ ਵਿਦੇਸ਼ਾਂ ਵਿੱਚ ਬਹੁਤ ਮੰਗ ਵਧ ਰਹੀ ਹੈ। ਇਸ ਲਈ ਪੰਜਾਬ ਚੋਂ ਗਰੀਬੀ, ਭੁੱਖਮਰੀ ਅਤੇ ਬੇਰੁਜ਼ਗਾਰੀ ਖਤਮ ਕਰਨ ਲਈ ਨੌਜੁਆਨਾਂ ਨੂੰ ਇਹਨਾਂ ਕੁਦਰਤੀ ਇਲਾਜ ਪ੍ਰਣਾਲੀਆਂ ਦੇ ਮਾਹਿਰ ਬਣਾ ਕੇ ਵੱਖ ਵੱਖ ਦੇਸ਼ਾਂ ਵਿੱਚ ਭੇਜਿਆ ਜਾ ਸਕਦਾ ਹੈ। ਲੇਕਿਨ ਇਸਤੋਂ ਪਹਿਲਾਂ ਪੰਜਾਬ ਨੂੰ ਹਰ ਤਰ੍ਹਾਂ ਦੇ ਨਸ਼ਾ ਮੁਕਤ ਕਰਨ ਦੇ ਨਾਲ ਨਾਲ ਮੈਡੀਸਨ ਮੁਕਤ, ਚਾਹ ਕੌਫੀ ਮੁਕਤ, ਖੰਡ ਮੁਕਤ, ਨਕਲੀ ਮਠਿਆਈ ਮੁਕਤ, ਜੰਕ ਫੂਡ ਮੁਕਤ, ਖੇਤੀ ਜ਼ਹਿਰ ਮੁਕਤ, ਵਿਹਲੜਪੁਣਾ ਮੁਕਤ ਕਰਨ ਦੀ ਜ਼ਰੂਰਤ ਜ਼ਿਆਦਾ ਹੈ। ਡਾ ਬਲਰਾਜ ਬੈਂਸ ਡਾ ਕਰਮਜੀਤ ਕੌਰ ਬੈਂਸ ਬੈਂਸ ਹੈਲਥ ਸੈਂਟਰ ਮੋਗਾ 94630-38229 ਹੇਠਾਂ ਪੰਜਾਬ ਵਿੱਚ ਪਾਈਆਂ ਜਾਂਦੀਆਂ ਕੁੱਝ ਜੜ੍ਹੀ ਬੂਟੀਆਂ ਦੇ ਨਾਮ ਹਨ ਜਿਹਨਾਂ ਤੇ ਕਲਿੱਕ ਕਰਕੇ ਤੁਸੀਂ ਓਹਨਾਂ ਤੋਂ ਹੁੰਦੇ ਲਾਭਾਂ ਬਾਰੇ ਜਾਣ ਸਕਦੇ ਹੋ

ਹਰ ਬਿਮਾਰੀ ਦਾ ਇਲਾਜ ਹਨ ਪੌਦੇ ਤੇ ਰੁੱਖ

ਕੁਲਫਾ ਇਟਸਿਟ ਸਲਾਰਾ ਹਾਲੋਂ ਫੁੱਲਾਂ ਬੂਟੀ ਕੰਗਣੀ ਕਚਨਾਰ ਰਿੰਡ