ਇਹ ਪੁਸ਼ਨ ਕੁਝ ਬਣਾਉਟੀ ਸਿੱਖਾਂ ਤੇ ਗੈਰ - ਸਿੱਖਾਂ ਦੇ ਮਨਾਂ ਵਿਚ ਪੈਦਾ ਹੋਣਾ ਸੁਭਾਵਿਕ ਹੈ, ਜਦ ਉਹ ਅਖਬਾਰਾਂ ਵਿਚ ਅਜਿਹੀਆਂ ਖਬਰਾਂ ਪੜ੍ਹਦੇ ਹਨ ਕਿ ਸੰਤ ਜਰਨੈਲ ਸਿੰਘ ਭਿੰਡਰਾਂਵਾਲੇ ਹਥਿਆਰ ਰੱਖਦੇ ਹਨ, ਹਥਿਆਰਾਂ ਨੂੰ ਪਿਆਰ ਕਰਦੇ ਹਨ, ਹਥਿਆਰਾਂ ਨੂੰ ਸ਼ਿੰਗਾਰ ਸਮਝ ਕੇ ਪਹਿਨਦੇ ਹਨ ਤੇ ਹਥਿਆਰਾਂ ਦਾ ਖੁੱਲ੍ਹਾ ਪ੍ਰਦਰਸ਼ਨ ਕਰਦੇ ਹਨ, ਉਨ੍ਹਾਂ ਦੇ ਸੇਵਕ ਵੀ ਮੁਕੰਮਲ ਤੋਰ ਤੇ ਹਥਿਆਰਬੰਦ ਹਨ ਤੇ ਯੁੱਧ ਕਰਨ ਲਈ ਹਮੇਸ਼ਾ ਤਿਆਰ -ਬਰ-ਤਿਆਰ ਰਹਿੰਦੇ ਹਨ ਆਦਿ । ਇਨਾਂ ਲੋਕਾਂ ਦੇ ਖਿਆਲ ਵਿਚ ਸੰਤਾਂ ਦਾ ਕਰਤੱਵ ਮਾਲਾ ਫੇਰਨੀ, ਨਾਮ ਜਪਣਾ ਤੇ ਨਾਮ ਜਪਾਉਣਾ ਹੀ ਹੁੰਦਾ ਹੈ। ਹਥਿਆਰ ਰੱਖਣਾ ਜਾਂ ਹਥਿਆਰ ਚਲਾਉਣ ਦੀ ਟਰੇਨਿੰਗ ਦੇਣਾ ਨਹੀਂ। ਅਣਮਤੀਆਂ ਦੇ ਇਸ ਵਿਚਾਰ ਦਾ ਕਾਰਨ ਇਹ ਹੈ ਕਿ, ਉਨ੍ਹਾਂ ਦੇ ਸੰਤਾਂ ਭਗਤਾਂ ਨੇ ਕਦੇ ਕੋਈ ਹਥਿਆਰ ਨਹੀਂ ਰੱਖਿਆ ਤੇ ਕੇਵਲ ਭਗਤੀ ਵਿਚ ਹੀ ਲੱਗੇ ਰਹੇ। ਇਹ ਲੋਕ ਦੁਨੀਆਂ ਦੇ ਆਧੁਨਿਕ ਮੱਤ 'ਸਿੱਖ ਧਰਮ' ਦੇ ਅਸੂਲਾਂ ਤੋਂ ਅਣਜਾਣ ਹੋਣ ਕਾਰਨ ਹੀ ਇਹ ਸਵਾਲ ਉਠਾਉਂਦੇ ਹਨ ਕਿਉਂਕਿ ਉਹ ਨਹੀਂ ਜਾਣਦੇ ਕਿ ਸਿੱਖਾਂ ਦੇ ਦਸਵੇਂ ਗੁਰੂ ਨੇ ਖੰਡੇ ਦੀ ਧਾਰ 'ਚੋਂ' ਅਜਿਹੇ 'ਸੰਤ' ਪੈਦਾ ਕੀਤੇ ਸਨ, ਜੋ ਨਿਰੋ ਸੰਤ ਨਹੀਂ ਬਲਕਿ 'ਸੰਤ-ਸਿਪਾਹੀ ਸਨ. ਜਿਨ੍ਹਾਂ ਨੂੰ ਹਰ ਰੋਜ ਪੰਜਾਂ ਬਾਣੀਆਂ ਦਾ ਪਾਠ ਕਰਨ, ਪੰਜ ਕਕਾਰ (ਕੇਸ, ਕੰਘਾ, ਕਛਹਿਰਾ, ਕੜਾ ਤੇ ਕ੍ਰਿਪਾਨ) ਧਾਰਨ ਕਰਨ ਤੇ ਹੋਰ ਹਥਿਆਰ ਰੱਖਣ ਦਾ ਹੁਕਮ ਵੀ ਦਿੱਤਾ ਗਿਆ ਸੀ । ਸਿੱਖ ਧਰਮ ਦੇ ਦਸਵੇਂ ਗੁਰੂ ਨੇ ਨਵੀਂ ਕਿਸਮ ਦੇ ਸ਼ਸਤਰਧਾਰੀ ਸੰਤਾ ਦਾ ਨਾਂ 'ਖਾਲਸਾ' ਰੱਖ ਕੇ ਉਨ੍ਹਾਂ ਨੂੰ 'ਅਕਾਲ ਪੁਰਖ ਦੀ ਫੌਜ' ਦਾ ਦਰਜਾ ਦਿੱਤਾ ਸੀ । 'ਸਰਬ ਲੋਹ ਗ੍ਰੰਥ' ਵਿਚ ਦਰਜ ਹੈ:

"ਖਾਲਸਾ ਅਕਾਲ ਪੁਰਖ ਕੀ ਫੌਜ ॥ ਪ੍ਰਗਟਿਉ ਖਾਲਸਾ ਪ੍ਰਮਾਤਮ ਕੀ ਮੌਜ ।"

ਸਿੱਖਾਂ ਨੂੰ ਸ਼ਸਤਰ ਰੱਖਣ ਦਾ ਆਦੇਸ਼ ਰਹਿਤਨਾਮਿਆਂ ਵਿਚ ਵੀ ਦਿੱਤਾ ਗਿਆ ਹੈ।

ਮਿਸਾਲ ਵਜੋਂ:

- "ਖਾਲਸਾ ਸੋਈ ਸ਼ਸਤਰ ਕਉ ਧਾਰੈ ॥ ਖਾਲਸਾ ਸੋਈ ਦੁਸ਼ਟ ਕਉ ਮਾਰੈ ॥"

(ਭਾਈ ਨੰਦ ਲਾਲ ਜੀ)

"ਸ਼ਸਤਰ ਹੀਨ ਇਹ ਕਬਹੂੰ ਨਾ ਹੋਈ ॥ ਰਹਿਤਵੰਤ ਖਾਲਿਸ ਹੈ ਸੋਈ ।"

ਭਾਈ ਦੇਸਾ ਸਿੰਘ ਜੀ।

ਨੀਲੇ ਘੋੜੇ ਦੇ ਸਾਹਸਵਾਰ, ਚਿੱਟਿਆਂ ਬਾਜਾਂ ਵਾਲੇ ਤੇ ਤੀਰ ਕਮਾਨਾਂ ਵਾਲੇ ਇਨਕਲਾਬੀ ਜੋਧੇ ਗੁਰੂ ਗੋਬਿੰਦ ਸਿੰਘ ਜੀ ਨੇ ਸ਼ਸਤਰਾਂ ਦੀ ਸ਼ਲਾਘਾ ਵਿਚ ਬੜਾ ਕੁਝ ਲਿਖਿਆ ਹੈ। ਤੇਗ ਦੀ ਤਾਰੀਫ ਕਰਦਿਆਂ ਤੀਰ - ਕਮਾਨ ਵਾਲੇ ਪਾਤਸ਼ਾਹ ਫੁਰਮਾਉਂਦੇ ਹਨ

"ਖਗ ਖੰਡ ਬਿਹੰਡੇ ਖਲ ਦਲ ਖੰਡੰ ਅਤਿਰਣ ਮੰਡੰ ਬਰ ਭੰਡੰ। ਭੁਜ ਦੰਡ ਅਖੰਡੰ ਤੇਜ ਪ੍ਰਚੰਡੰ ਜੋਤਿ ਅਮੰਡੰ ਭਾਨ ਪ੍ਰਭੰ । ਸੁਖ ਸੰਤਾ ਕਰਣੰ ਦੁਰ ਮਤਿ ਦਰਣੰ ਕਿਲ ਬਿਖ ਹਰਣੰ ਅਸ ਸਰਣੰ । ਜੈ ਜੈ ਜਗ ਕਾਰਣ ਸ੍ਰਿਸ਼ਟ ਉਭਾਰਣ ਮਮ ਪ੍ਰਤਿ ਪਾਰਣ ਜੈ ਤੇਗੰ।"

ਦਸਮ ਪਾਤਸ਼ਾਹ ਨੇ ਹਥਿਆਰਾਂ ਨੂੰ ਪੀਰਾਂ ਦਾ ਦਰਜਾ ਦਿੱਤਾ ਹੈ ਤੇ ਲਿਖਿਆ ਹੈ

"ਅਸਿ ਕਿਰਪਾਨ ਖੰਡਾ ਖੜਗ ਤਮਰ ਤਪਕ ਅਰ ਤੀਰ ॥ ਸੈਫ ਸਰੋਹੀ ਸੈਹਥੀ ਯੇਹੀ ਹਮਾਰੇ ਪੀਰ ॥"

ਸਿੰਘਾਂ ਵਾਸਤੇ ਹਥਿਆਰ ਰੱਖਣੇ ਜ਼ਰੂਰੀ ਹਨ। ਜਿਹੜਾ ਸਿੱਖ ਹਥਿਆਰ ਨਹੀਂ ਰੱਖਦਾ, ਉਹ ਭੇਡ ਵਰਗਾ ਲਗਦਾ ਹੈ। ਕਿਹੈ ਗੁਰੂ ਜੀ ਨੇ:

"ਬਿਨਾ ਕੇਸ ਸ਼ਸਤਰ ਨਿਰਾ ਭੇਡ ਜਾਨੋ ॥... ਇਹੀ ਮੇਰ ਆਗਿਆ ਸੁਣੇ ਹੋ ਪਿਆਰੇ ॥ ਬਿਨਾਂ ਕੇਸ ਸ਼ਸਤਰ ਨਾ ਦਿਆਂ ਦੀਦਾਰੇ ॥"

ਇਸ ਵਾਸਤੇ ਅਸੀਂ ਸ਼ਸਤਰ ਰੱਖਦੇ ਹਾਂ । ਸ਼ਸਤਰ ਰੱਖ ਕੇ ਕਿਸੇ ਨਾਲ ਧੋਖਾ ਕਰਨਾ ਬਹੁਤ ਪਾਪ ਹੈ। ਕਿਸੇ ਸਿੱਖ ਵਾਸਤੇ ਸ਼ਸਤਰ ਰੱਖ ਕੇ ਆਪਣਾ ਹੱਕ ਨਾ ਲੈਣਾ ਵੀ ਬਹੁਤ ਵੱਡਾ ਪਾਪ ਹੈ। ਅਸੀਂ ਨਾ ਤਾਂ ਕਿਸੇ ਦਾ ਘਿਰਾਓ ਕਰਦੇ ਹਾਂ ਅਤੇ ਨਾ ਕੋਈ ਬੰਦਾ ਮਾਰਦੇ ਹਾਂ । ਨਾ ਸ਼ਿਕਾਰ ਖੇਡਦੇ ਹਾਂ। ਨਾ ਕਿਸੇ ਨੂੰ ਬਿਨਾਂ ਕਾਰਨ ਦਬਾਉਂਦੇ ਹਾਂ । ਸ਼ਸਤਰ ਰੱਖੇ ਹਨ ਤੇ ਆਪਣੀ ਰੱਖਿਆ ਵਾਸਤੇ ਰੱਖੇ ਹਨ ਸ਼ਸਤਰਾਂ ਬਾਰੇ ਗੁਰੂ ਗੋਬਿੰਦ ਸਿੰਘ ਜੀ ਨੇ ਫੁਰਮਾਇਆ ਹੈ ਕਿ, ਉਹ ਉਸ ਸਿੱਖ ਨੂੰ ਦਰਸ਼ਨ ਨਹੀਂ ਦੇਣਗੇ, ਜੋ ਸ਼ਸਤਰਧਾਰੀ ਨਹੀਂ ਤੇ ਦਸਤਾਰ ਨਹੀਂ ਸਜਾਉਂਦਾ ।

ਸ਼ਸਤਰ ਲੁੱਟ - ਖੋਹ ਤੇ ਕਤਲ - ਗਾਰਤ ਲਈ ਨਹੀਂ ਵਰਤਣੇ ਚਾਹੀਦੇ। ਅਜਿਹਾ ਕਰਨ ਦੀ ਸਾਡੇ ਧਰਮ ਵਿਚ ਮਨਾਹੀ ਹੈ ।

ਲੇਕਿਨ ਹਥਿਆਰ ਰੱਖਣੇ ਤੇ ਆਪਣੇ ਹੱਕਾਂ ਲਈ ਨਾ ਲੜਨਾ ਪਾਪ ਹੈ । ਏਸੇ ਤਰ੍ਹਾਂ ਸ਼ਸਤਰ ਪਹਿਨਣੇ ਪਰ ਆਪਣੇ ਧਰਮ ਦੀ ਰੱਖਿਆ ਨਾ ਕਰਨਾ ਵੀ ਪਾਪ ਹੈ ।"

 ਸ਼ੇਰ ਏ ਪੰਜਾਬ ਮਾਹਾਰਾਜਾ ਰਣਜੀਤ ਸਿੰਘ, ਜਿਸਨੇ ਦੁਨੀਆ ਦਾ ਸਭ ਤੋਂ ਵਧੀਆ ਰਾਜ ਕਾਇਮ ਕੀਤਾ। ਅੱਜ ਤੱਕ ਉਸਦੇ ਰਾਜ ਪ੍ਰਬੰਧ ਦੀਆਂ ਦੁਨੀਆ ਭਰ ਵਿੱਚ ਮਿਸਾਲਾਂ ਦਿੱਤੀਆਂ ਜਾਂਦੀਆਂ ਹਨ। 1839 ਵਿੱਚ ਮਹਾਰਾਜਾ ਦੀ ਮੌਤ ਹੁੰਦੀ ਹੈ ਤਾਂ ਇਹ ਇਤਿਹਾਸ ਵਿੱਚ ਇਹ ਦਸਿਆ ਜਾਂਦਾ ਹੈ ਕਿ ਉਸਦੀ ਮੌਤ ਦੀ ਵਜ੍ਹਾ ਉਸਦੀ ਖ਼ਰਾਬ ਸਿਹਤ ਦੱਸੀ ਜਾਂਦੀ ਹੈ। ਇਹ ਵੀ ਪੜ੍ਹਨ ਨੂੰ ਮਿਲਦਾ ਹੈ ਕਿ ਉਹ ਜਿਆਦਾ ਸ਼ਰਾਬ ਤੇ ਤੰਬਾਕੂ ਦਾ ਸੇਵਨ ਕਰਦਾ ਸੀ, ਇਸ ਕਰਕੇ ਉਸਦੀ ਸਿਹਤ ਖ਼ਰਾਬ ਹੋਈ। 

ਸਾਡੀ ਕੌਮ ਦੀ ਇਹ ਤ੍ਰਾਸਦੀ ਹੈ ਕਿ ਅਸੀਂ ਜੋ ਇਤਿਹਾਸ ਆਪਣੇ ਦੁਸ਼ਮਣ ਤੋਂ ਸੁਣਦੇ ਹਾਂ, ਬਿਨਾਂ ਸੋਚੇ ਸਮਝੇ ਉਸਤੇ ਬਹੁਤ ਜਲਦੀ ਯਕੀਨ ਕਰ ਲੈਂਦੇ ਹਾਂ। ਹੁਣ ਸੋਚਣ ਵਾਲ਼ੀ ਗੱਲ ਇਹ ਹੈ ਕਿ ਕੋਈ ਸ਼ਰਾਬ ਪੀਣ ਵਾਲਾ ਮਹਾਰਾਜਾ ਚਾਲੀ ਸਾਲ ਤੱਕ ਦੁਨੀਆ ਦਾ ਸਭ ਤੋਂ ਵਧੀਆ ਰਾਜ ਕਿਵੇਂ ਕਰ ਗਿਆ ?

ਉਸ ਸਮੇਂ ਈਸਟ ਇੰਡੀਆ ਕੰਪਨੀ ਪੂਰੀ ਦੁਨੀਆ ਤੇ ਰਾਜ ਕਰ ਰਹੀ ਸੀ ਅਤੇ ਇਸਦੇ ਮਾਲਕ ਸਨ ਰੋਥਚਾਈਲਡ ਪਰਿਵਾਰ ਜੇਹੜੇ ਕਿ ਨਿਊ ਵਰਲਡ ਆਰਡਰ ਚਲਾ ਰਹੇ ਨੇ। ਈਸਟ ਇੰਡੀਆ ਕੰਪਨੀ ਨੂੰ ਉਦੋਂ ਸਿਰਫ ਦੋ ਬੰਦਿਆਂ ਤੋਂ ਖ਼ਤਰਾ ਸੀ, ਨੈਪੋਲੀਅਨ ਤੇ ਮਹਾਰਾਜਾ ਰਣਜੀਤ ਸਿੰਘ । ਇਹੀ ਦੋ ਰਾਜੇ ਸੀ ਜੋ ਨਿਊ ਵਰਲਡ ਆਰਡਰ ਵਿੱਚ ਰੋੜਾ ਬਣੇ ਬੈਠੇ ਸੀ। ਏਸੇ ਲਈ ਈਸਟ ਇੰਡੀਆ ਕੰਪਨੀ ਨਹੀਂ ਚਾਹੁੰਦੀ ਸੀ ਕਿ ਇਹ ਦੋਨੋ ਇੱਕਠੇ ਹੋ ਜਾਣ ਕਿਉਂਕਿ ਫ਼ੇਰ ਓਹਨਾਂ ਲਈ ਇਹ ਬਹੁਤ ਵੱਡਾ ਖਤਰਾ ਪੈਦਾ ਹੋ ਜਾਣਾ ਸੀ।

ਜਦੋ 1809 ਵਿੱਚ ਮਹਾਰਾਜਾ ਰਣਜੀਤ ਸਿੰਘ ਤੇ ਈਸਟ ਇੰਡੀਆ ਕੰਪਨੀ ਵਿਚਕਾਰ ਸੰਧੀ ਹੋਈ ਓਦੋਂ ਉਹਨਾਂ ਨੇ ਇਹ ਸ਼ਰਤ ਵੀ ਰੱਖੀ ਸੀ ਕਿ ਜੇਕਰ ਨੈਪੋਲੀਅਨ ਹਮਲਾ ਕਰਦਾ ਹੈ ਤਾਂ ਤੁਹਾਨੂੰ ਸਾਡਾ ਸਾਥ ਦੇਣਾ ਪਵੇਗਾ। ਪਹਿਲਾਂ 1815 ਤੱਕ ਉਹਨਾਂ ਨੇ ਨੈਪੋਲੀਅਨ ਨੂੰ ਇੱਕ ਸਾਜਿਸ਼ ਤਹਿਤ ਮਰਵਾ ਦਿੱਤਾ। ਕਾਫੀ ਸਾਲਾਂ ਬਾਦ ਇਹ ਖੁਲਾਸਾ ਹੋਇਆ ਕਿ ਉਸਦੇ ਵਾਲ਼ਾ ਵਿੱਚ ਆਰਸੈਨਿਕ ਨਾ ਦਾ ਕੈਮੀਕਲ ਮਿਲਿਆ ਸੀ ਜਿਸ ਤੋਂ ਪਤਾ ਚਲਿਆ ਕਿ ਇਹ ਓਸਨੂੰ ਖਾਣੇ ਵਿੱਚ ਮਿਲਾ ਕੇ ਦਿੱਤਾ ਜਾ ਰਿਹਾ ਸੀ। 

ਹੁਣ ਓਹਨਾਂ ਦਾ ਇਕੋ ਇੱਕ ਰਾਹ ਦਾ ਰੋੜਾ ਬਚਿਆ ਸੀ ਮਹਾਰਾਜਾ ਰਣਜੀਤ ਸਿੰਘ। ਓਸਨੂੰ ਰਾਹ ਵਿੱਚੋ ਹਟਾਉਣ ਲਈ ਉਹਨਾਂ ਨੇ 1829 ਵਿੱਚ ਡਾਕਟਰ ਹੋਨਿਗਬਰਗਰ ਨੂੰ ਮਹਾਰਾਜਾ ਦੇ ਇਲਾਜ਼ ਵਾਸਤੇ ਲਾਹੌਰ ਕਿਲੇ ਵਿੱਚ ਭੇਜਿਆ। ਹੁਣ ਇਹ ਜਾਣਨਾ ਬਹੁਤ ਜ਼ਰੂਰੀ ਹੈ ਕਿ ਹੋਨਿਗਬਰਗਰ ਕੌਣ ਸੀ ?

ਇਹ ਸੈਮੂਅਲ ਹੈਨੀਮਨ ਦਾ ਚੇਲਾ ਸੀ ਜਿਸਨੂੰ ਹੋਮੀਓਪੈਥੀ ਦਾ ਜਨਮਦਾਤਾ ਕਿਹਾ ਜਾਂਦਾ ਹੈ ਤੇ ਸੈਮੂਅਲ ਹੈਨੀਮਨ ਰੋਥਸਚਾਈਲਡ ਪਰਿਵਾਰ ਦਾ ਫੈਮਿਲੀ ਡਾਕਟਰ ਸੀ। ਹੁਣ ਤੁਹਾਨੂੰ ਸਾਰੀ ਗੱਲ ਸਮਝ ਆ ਜਾਣੀ ਚਾਹੀਦੀ ਹੈ। ਇਹ ਮਹਾਰਾਜਾ ਰਣਜੀਤ ਸਿੰਘ ਦਾ ਹੋਮਓਪੈਥੀਕ ਇਲਾਜ ਕਰਨ ਦੇ ਬਹਾਨੇ ਮਹਾਰਾਜੇ ਦੇ ਖਾਣੇ ਵਿੱਚ ਨਸ਼ੀਲੇ ਪਦਾਰਥ ਮਿਲਾਉਂਦਾ ਰਿਹਾ ਅਤੇ ਦਵਾਈਆਂ ਦੇ ਤੌਰ ਤੇ ਜ਼ਹਿਰ ਦਿੰਦਾ ਰਿਹਾ। ਜੋ ਅੱਗੇ ਜਾ ਕੇ ਸ਼ੇਰ ਏ ਪੰਜਾਬ ਦੀ ਮੌਤ ਦਾ ਕਾਰਨ ਬਣਿਆ। ਇਸਨੂੰ ਡੋਗਰਿਆਂ ਦਾ ਵੀ ਭਰਪੂਰ ਸਾਥ ਮਿਲਿਆ। 

ਜਦੋਂ ਮਹਾਰਾਜਾ ਰਣਜੀਤ ਸਿੰਘ ਦਾ ਅੰਤਿਮ ਸਸਕਾਰ ਕੀਤਾ ਓਦੋਂ 11 ਰਾਣੀਆਂ ਨੂੰ ਵੀ ਸਤੀ ਕੀਤਾ ਗਿਆ ਜਦਕਿ ਸਿੱਖ ਧਰਮ ਤਾਂ ਸਤੀ ਪ੍ਰਥਾ ਦੇ ਸਖ਼ਤ ਖ਼ਿਲਾਫ਼ ਹੈ। ਇਸਦਾ ਕਾਰਣ ਵੀ ਇਹ ਸੀ ਕਿ ਜੋ ਗਿਆਰਾਂ ਰਾਣੀਆਂ ਸੀ ਓਹ ਸਾਰੀਆਂ ਡੋਗਰੇ ਪਰਿਵਾਰਾਂ ਵਿਚੋਂ ਸਨ। ਉਹਨਾਂ ਦਾ ਇਸ ਸਾਰੀ ਸਾਜਿਸ਼ ਪਿੱਛੇ ਹੱਥ ਸੀ। ਅੰਗਰੇਜ਼ ਨਹੀਂ ਸਨ ਚਾਹੁੰਦੇ ਕਿ ਇਸ ਸਾਜਿਸ਼ ਦਾ ਕੋਈ ਵੀ ਸਬੂਤ ਬਚੇ ਸੋ ਉਹਨਾਂ ਨੇ ਮਹਾਰਾਜੇ ਨੂੰ ਬਦਨਾਮ ਕਰਨ ਲਈ ਅਤੇ ਗਵਾਹ ਮਿਟਾਉਣ ਲਈ 11 ਰਾਣੀਆਂ ਨੂੰ ਮਜ਼ਬੂਰਨ ਸਤੀ ਕਰਵਾਇਆ ਜਦਕਿ ਉਹਨਾਂ ਵਿੱਚੋ ਕਿਸੇ ਇੱਕ ਦੀ ਕੁੱਖੋਂ ਵੀ ਮਹਾਰਾਜੇ ਦਾ ਕੋਈ ਪੁੱਤਰ ਨਹੀਂ ਸੀ ਤੇ ਜਿਹਨਾਂ ਕੋਲ਼ ਸਿੱਖ ਰਾਜ ਦੇ ਉਤਰਾਧਿਕਾਰੀ ਸਨ ਉਹਨਾਂ ਵਿੱਚੋ ਕੋਈ ਸਤੀ ਨਹੀਂ ਹੋਈ। 

ਆਖਿਰ ਵਿੱਚ ਇਹੀ ਕਹਿਣਾ ਚਾਹਵਾਂਗਾ ਕਿ ਸਿੱਖ ਇਤਿਹਾਸ ਓਹੀ ਪ੍ਰਵਾਨ ਕਰੋ ਜਿਹੜਾ ਗੁਰੂ ਗ੍ਰੰਥ ਸਾਹਿਬ ਜੀ ਦੇ ਫ਼ਲਸਫੇ ਤੇ ਖ਼ਰਾ ਉਤਰੇ।

 ਏਜੰਡਾ 21ਅਜਿਹਾ ਕਾਨੂੰਨ ਹੈ ਕਿ ਤੁਸੀਂ ਆਪਣੀ ਜ਼ਮੀਨ, ਮਕਾਨ ਵਗ਼ੈਰਾ ਆਪਣੇ ਆਪ ਛੱਡ ਦਿਓਗੇ ਉਹ ਵੀ ਬਿਨਾਂ ਕਿਸੇ ਜ਼ਬਰਦਸਤੀ ਦੇ ! ਕਿਹਾ ਜਾ ਸਕਦਾ ਹੈ ਕਿ ਇਹ ਏਜੰਡਾ 21 ਨਾਗਰਿਕਾਂ ਵਾਸਤੇ ਧੱਕੇ ਨਾਲ ਖ਼ੁਦਕੁਸ਼ੀ ਕਰਵਾਉਣ ਵਾਂਗ ਹੈ! 

ਇਹਦਾ ਵਿਸਥਾਰ ਦੇਖੀਏ ਤਾਂ ਸਭ ਤੋਂ ਪਹਿਲਾਂ ਇਸ ਦੇ ਤਹਿਤ ਪਿੰਡਾਂ ਨੂੰ ਉਜਾੜਨ ਦੀ ਮਨਸ਼ਾ ਹੈ। ਸਾਡੇ ਲਈ ਜਿਹੜੇ ਤਿੰਨ ਕਾਲੇ ਕਾਨੂੰਨ ਆਏ ਸਨ ਉਹ ਏਸ ਪਾਸੇ ਵੱਲ ਮੁੱਢਲਾ ਕਦਮ ਸੀ। ਸੋਚ ਇਹ ਸੀ ਕਿ ਅਸਿੱਧੇ ਤਰੀਕੇ ਨਾਲ ਪਹਿਲਾਂ ਪਿੰਡਾਂ ਵਾਲਿਆਂ ਨੂੰ ਜ਼ਮੀਨ ਰਹਿਤ ਕੀਤਾ ਜਾਵੇ। ਸ਼ਹਿਰਾਂ ਦੇ ਨੇੜੇ ਪਰ ਸ਼ਹਿਰੀ ਆਬਾਦੀ ਤੋਂ ਕੁਝ ਕਿਲੋਮੀਟਰ ਦੂਰ ਛੋਟੇ ਛੋਟੇ ਖੁੱਡਿਆਂ ਵਰਗੇ ਫਲੈਟ ਬਣਾ ਕੇ ਇਹਨਾਂ ਉਜਾੜੇ ਹੋਏ ਪੇਂਡੂ ਲੋਕਾਂ ਨੂੰ ਇਥੇ ਸ਼ਿਫਟ ਕੀਤਾ ਜਾਵੇ। ਇਹ ਜਗ੍ਹਾ ਸ਼ਹਿਰਾਂ ਦੇ ਨੇੜੇ ਹੁੰਦੇ ਹੋਏ ਵੀ ਕੁਝ ਕਿਲੋਮੀਟਰ ਦੂਰ ਰੱਖਣ ਪਿੱਛੇ ਧਾਰਨਾ ਇਹ ਹੈ ਕਿ ਇਹ ਲੋਕ ਸ਼ਹਿਰ ਵਿਚ ਜਾਣ ਦੇ ਸਮਰੱਥ ਨਾ ਹੋਣ ਤੇ ਉਹਨਾਂ ਦੇ ਫਲੈਟਾਂ ਨੇੜੇ ਸਥਾਪਤ ਕੀਤੇ ਕਾਰਪੋਰੇਟਾਂ ਦੇ ਵਪਾਰਕ ਅਦਾਰਿਆਂ ਵਿਚ ਸਸਤੀ ਮਜ਼ਦੂਰੀ ਕਰਨ ਲਈ ਮਜ਼ਬੂਰ ਹੋਣ! 

ਇਹ ਜਿਹੜੇ ਤੁਸੀਂ ਸੋਚਦੇ ਹੋਵੋਗੇ ਕਿ ਤੁਸੀਂ ਸਕੂਟਰ, ਮੋਟਰਸਾਈਕਲ, ਕਾਰਾਂ ਵਗ਼ੈਰਾ ਵਰਤ ਕੇ ਸ਼ਹਿਰ ਜਾਂ ਸਕਿਆ ਕਰੋਗੇ, ਇਹ ਬੜੀ ਮੱਕਾਰੀ ਭਰੇ ਢੰਗ ਨਾਲ ਤੁਹਾਡੇ ਤੋਂ ਖੋਹ ਲਏ ਜਾਣਗੇ ਜਾਂ ਫਿਰ ਤੁਹਾਨੂੰ ਇਹਨਾਂ ਨੂੰ ਛੱਡਣ ਲਈ ਮਜ਼ਬੂਰ ਕਰ ਦਿੱਤਾ ਜਾਏਗਾ ਤੇ ਤੁਸੀਂ ਕੁੱਕੜਾਂ ਦੇ ਖੁੱਡੇ ਵਰਗੇ ਫਲੈਟਾਂ ਵਿਚ ਬੜੀ ਹੀ ਗ਼ਰੀਬੜੀ ਜਿਹੀ ਜ਼ਿੰਦਗੀ ਜਿਉਣ ਲਈ ਰਹਿ ਜਾਓਗੇ। ਤੁਹਾਡੇ ਪਿੰਡਾਂ, ਤੁਹਾਡੀਆਂ ਜ਼ਮੀਨਾਂ ਵਿਚ ਫਲੈਟ, ਵੱਡੇ ਮਾੱਲ ਉਸਾਰੇ ਜਾਣਗੇ। ਹਜ਼ਾਰਾਂ ਏਕੜਾਂ ਦੇ ਖੇਤੀਬਾੜੀ ਵਾਲੇ ਕਲੱਸਟਰ (ਕਲੱਸਟਰ ਮਤਲਬ ਵੱਡੇ ਵੱਡੇ ਟੱਕ)ਬਣਾ ਕੇ ਮਸ਼ੀਨਾਂ ਨਾਲ ਖੇਤੀ ਕੀਤੀ ਜਾਏਗੀ। ਤੁਹਾਨੂੰ ਡੰਗਰ ਪਾਲਣ ਦੀ ਮਨਾਹੀ ਹੋ ਸਕਦੀ ਹੈ, ਜੇਕਰ ਪਾਲੋਂਗੇ ਵੀ ਤਾਂ ਦੁੱਧ-ਘਿਓ ਆਦਿ ਸਿੱਧਾ ਨਹੀਂ ਵੇਚ ਸਕੋਗੇ, ਵਿਦੇਸ਼ਾਂ ਵਾਂਗ ਉਹ ਤੁਹਾਨੂੰ ਕਾਰਪੋਰੇਟਾਂ ਨੂੰ ਹੀ ਵੇਚਣਾ ਪਵੇਗਾ। ਜ਼ਾਹਰ ਹੈ ਤੁਹਾਡੀ ਕੋਈ ਵੀ ਵਸਤੂ ਕੌਡੀਆਂ ਦੇ ਭਾਅ ਖ਼ਰੀਦ ਕੇ ਵੱਡੇ ਵੱਡੇ ਮਾੱਲਾਂ ਵਿਚ ਕਈ ਗੁਣਾ ਉੱਚੀ ਕੀਮਤ ਉੱਤੇ ਵੇਚੀ ਜਾਏਗੀ। ਹੋ ਸਕਦਾ ਹੈ, ਮੇਰੀਆਂ ਇਹ ਗੱਲਾਂ ਤੁਹਾਨੂੰ ਬਕਵਾਸ ਲੱਗਣ ਪਰ ਇਹ ਸਭ ਕੁਝ ਸਿੱਧੇ ਅਸਿੱਧੇ ਰੂਪ ਵਿਚ ਨੇੜ ਭਵਿੱਖ ਵਿਚ ਤੁਹਾਡੇ ਤੇ ਤੁਹਾਡੇ ਬੱਚਿਆਂ ਨਾਲ ਵਾਪਰਨ ਨੂੰ ਤਿਆਰ ਹੈ। ਬਹੁਤ ਲੋਕ ਮੇਰੀ ਗੱਲ ਨੂੰ ਬਕੜਵਾਹ ਕਹਿੰਦੇ ਹੋਏ ਮੈਨੂੰ ਦੱਸਦੇ ਹਨ ਕਿ ਤੂੰ ਕਿਹੜੇ ਭੁਲੇਖੇ ਵਿਚ ਜਿਉਂ ਰਿਹਾ ਹੈਂ? ਇਹ ਪੰਜਾਬ ਹੈ ਤੇ ਪੰਜਾਬੀ ਕਦੇ ਅਜਿਹਾ ਹੋਣ ਨਹੀਂ ਦੇਣਗੇ। ਮੈਂ ਵੀ ਚਾਹੁੰਦਾ ਹਾਂ ਕਿ ਮੇਰੀਆਂ ਇਹ ਗੱਲਾਂ ਕੋਰਾ ਝੂਠ ਨਿੱਕਲਣ। ਪਰ ਪੰਜਾਬੀਓ ! ਕੋਰੋਨਾ ਦਾ ਮਨੁੱਖ ਦੁਆਰਾ ਬਣਾਇਆ ਵਾਇਰਸ ਸਾਨੂੰ ਦੋ ਸਾਲ ਵਾਸਤੇ ਵਾਹਣੀਂ ਪਾ ਗਿਆ ਕਿ ਨਹੀਂ? ਬੇਸ਼ੱਕ ਸਾਡੇ ਕਿਸਾਨਾਂ ਨੇ ਕਿਸਾਨ ਅੰਦੋਲਨ ਸਮੇਂ ਮਾਸਕ ਵਰਗੀਆਂ ਹਦਾਇਤਾਂ ਨਹੀਂ ਵੀ ਮੰਨੀਆਂ ਪਰ ਕੀ ਸਾਡੇ ਸਰਕਾਰੀ ਕਰਮਚਾਰੀਆਂ ਅਤੇ ਵਿਦੇਸ਼ ਦੀ ਧਰਤੀ ਉੱਤੇ ਜਾਣ ਵਾਲਿਆਂ ਲਈ ਕੋਰੋਨਾ ਵੈਕਸੀਨ ਲਾਜ਼ਮੀ ਨਹੀਂ ਹੋਇਆ? ਅਜਿਹੇ ਲੋਕ ਕਿਵੇਂ ਵੀ ਆਪਣੀ ਮਰਜ਼ੀ ਅਨੁਸਾਰ ਇਸ ਵੈਕਸੀਨ ਤੋਂ ਭੱਜ ਨਹੀਂ ਸਕੇ! ਫੇਰ ਤੁਹਾਡੀਆਂ ਮੰਡੀਆਂ ਹੁਣ ਖ਼ਤਮ ਕਰਨ ਵੱਲ ਨਹੀਂ ਵਧਿਆ ਗਿਆ? ਕੀ ਤੁਹਾਨੂੰ ਪ੍ਰਾਈਵੇਟ ਅਦਾਰਿਆਂ ਕੋਲ ਜਿਣਸ ਵੇਚਣ ਲਈ ਮਜ਼ਬੂਰ ਨਹੀਂ ਹੋਣਾ ਪਿਆ? ਅੱਗੇ ਹੋਰ ਦੇਖ ਲਓ - ਤੁਹਾਡੀਆਂ ਫ਼ਸਲਾਂ ਦੇ ਦੇਸੀ ਬੀਜਾਂ ਨੂੰ ਖ਼ਤਮ ਕਰਨ ਦਾ ਕਿੰਨਾ ਖ਼ੁਫ਼ੀਆ ਤਰੀਕਾ ਲਿਆਂਦਾ ? ਕਿੱਥੇ ਤਾਂ ਤੁਸੀਂ ਆਪਣੇ ਖਾਣ ਲਈ ਅਨਾਜ ਰੱਖਣ ਦੇ ਨਾਲ ਅਗਲੀ ਫ਼ਸਲ ਬੀਜਣ ਲਈ ਬੀਜ ਵੀ ਰੱਖ ਲੈਂਦੇ ਸੀ ਤੇ ਹੁਣ ਇਹ ਝਾਂਸਾ ਦੇ ਕੇ ਕਿ ਹਾਈਬ੍ਰਿਡ ਬੀਜ ਬੀਜੋਗੇ ਤਾਂ ਵੱਧ ਝਾੜ ਮਿਲੇਗਾ ਤੇ ਇਹਦੇ ਨਾਲ ਤੁਸੀਂ ਛੇਤੀ ਕਰਜ਼ਾ-ਮੁਕਤ ਹੋ ਜਾਓਗੇ- ਸਾਡੇ ਕਿਸਾਨਾਂ ਨੇ ਬਿਨਾਂ ਸੋਚੇ ਸਮਝੇ ਇਹਨਾਂ ਬੀਜਾਂ ਨੂੰ ਅਪਣਾ ਲਿਆ ਤੇ ਹੁਣ ਹਰ ਸਾਲ ਹਜ਼ਾਰਾਂ ਰੁਪਏ ਖ਼ਰਚ ਕੇ ਨਵੇਂ ਬੀਜ ਲਿਆਉਣੇ ਉਹਨਾਂ ਦੀ ਮਜ਼ਬੂਰੀ ਬਣ ਚੁੱਕੀ ਹੈ। ਇਹਨਾਂ ਬੀਜਾਂ ਬਾਰੇ ਜ਼ਰਾ ਗਹੁ ਨਾਲ਼ ਸੋਚੋ ਕਿ ਜਿਹਨਾਂ ਵਿਚ ਆਪਣੇ ਆਪ ਨੂੰ ਦੁਬਾਰਾ ਉਗਾਉਣ ਦੀ ਤਾਕਤ ਨਹੀਂ ਉਹ ਸਾਨੂੰ ਤਾਕਤ ਕੀ ਦੇਣਗੇ? ਕਰਜ਼ਾ ਲਾਹ ਕੇ ਸੁਰਖ਼ਰੂ ਹੋਣ ਦੇ ਲਾਲਚ ਵਿਚ ਅਸੀਂ ਆਪਣੀ ਭਾਵੀ ਪੀੜ੍ਹੀ ਨੂੰ ਨਪੁੰਸਕ ਬਣਾ ਰਹੇ ਹਾਂ ਕਿਉਂਕਿ ਅਜਿਹੇ ਬੀਜਾਂ ਤੋਂ ਉੱਗਿਆ ਅਨਾਜ ਖਾ ਕੇ ਸਾਡੇ ਨੌਜਵਾਨਾਂ ਦੇ ਸੰਤਾਨ-ਉਤਪਤੀ‌ ਸੈੱਲ ਖ਼ਤਮ ਹੋ ਰਹੇ ਹਨ। ਮੇਰੇ ਤੋਂ ਇਸ ਬਾਰੇ ਪੁਖ਼ਤਾ ਸਬੂਤ ਮੰਗੇ ਜਾ ਰਹੇ ਹਨ, ਅਜੇ ਮੁੱਢਲੀ ਸਟੇਜ ਹੋਣ ਕਰਕੇ ਮੈਂ ਉਹ ਪੇਸ਼ ਤਾਂ ਨਹੀਂ ਕਰ ਸਕਦਾ ਪਰ ਇਹ ਦਾਅਵਾ ਜ਼ਰੂਰ ਹੈ ਕਿ ਹੋਰ ਦਸਾਂ ਸਾਲਾਂ ਤੱਕ ਤੁਹਾਨੂੰ ਆਪਣੇ ਆਪ ਹੀ ਇਸ ਸੱਚਾਈ ਦਾ ਪਤਾ ਲੱਗ ਜਾਵੇਗਾ ਪਰ ਅਫ਼ਸੋਸ! ਉਦੋਂ ਤੱਕ ਤੀਰ ਕਮਾਨੋਂ ਨਿੱਕਲ ਚੁੱਕਿਆ ਹੋਵੇਗਾ। ਇਸੇ ਢੰਗ ਨਾਲ ਤੁਹਾਡੇ ਤੋਂ ਜੋ ਵੀ ਚਾਹੀਦਾ ਹੋਵੇਗਾ, ਖੰਡ ਵਿਚ ਗਲੇਫ਼ ਕੇ ਅਜਿਹੇ ਮੀਸਣੇ ਤਰੀਕੇ ਨਾਲ ਤੁਹਾਡੇ ਅੱਗੇ ਪਰੋਸਿਆ ਜਾਏਗਾ ਕਿ ਤੁਸੀਂ ਕਦ ਲੁੱਟੇ ਗਏ, ਤੁਹਾਨੂੰ ਕੁਝ ਵੀ ਸਮਝ ਨਹੀਂ ਆਉਣੀ! ਜੀਓ ਦਾ ਫ਼ਰੀ ਰੀਚਾਰਜ਼ ਤਾਂ ਯਾਦ ਹੋਣਾ ਤੁਹਾਨੂੰ? ਪਹਿਲਾਂ ਮੁਫ਼ਤ ਦਿੱਤਾ ਤੇ ਜਦੋਂ ਬਹੁ-ਗਿਣਤੀ ਨੇ ਆਪਣੇ ਸਿੰਮ ਜੀਓ ਵਿਚ ਪੋਰਟ ਕਰਵਾ ਲਏ ਤਾਂ ਕੀਮਤਾਂ ਅਸਮਾਨੀ ਚਾੜ੍ਹ ਦਿੱਤੀਆਂ।‌ ਇਹ ਜਿਹੜਾ 5G ਸਪੈਕਟਰਮ ਆਇਆ ਹੈ ਤੇ ਤੁਸੀਂ ਬੜੀ ਚਾਹ ਨਾਲ ਇਹਨੂੰ ਅਪਣਾ ਰਹੇ ਹੋ ਪਤਾ ਹੈ ਇਹਦਾ ਮਤਲਬ ਕੀ ਹੈ? ਇਹਦੇ ਰਾਹੀਂ ਹਰ 5G ਵਰਤਣ ਵਾਲੇ ਉੱਤੇ ਇਹਨਾਂ ਨੂੰ ਨਿਗਰਾਨੀ ਰੱਖਣ ਦੀ ਸੌਖ ਮਿਲੇਗੀ! ਇਸ ਫਾਸ਼ੀਵਾਦੀ ਏਜੰਡੇ ਨੂੰ ਲਾਗੂ ਕਰਨ ਲਈ ਇਹ ਅੱਡੀ ਚੋਟੀ ਦਾ ਜ਼ੋਰ ਲਾ ਰਹੇ ਹਨ। ਇਹ ਕਹਿਣ ਨੂੰ ਤੁਹਾਡੀ ਸਹੂਲਤ ਲਈ ਹੋਵੇਗਾ ਪਰ ਸਹੀ ਮਾਅਨਿਆਂ ਵਿਚ ਇਹ ਤੁਹਾਡੀ ਬਰਬਾਦੀ ਲੈ ਕੇ ਆਵੇਗਾ। ਸੋ ਗੁੜ ਦੀ ਚਾਸ਼ਨੀ ਵਿਚ ਲਿੱਬੜੀ ਇਸ ਜ਼ਹਿਰ ਤੋਂ ਬਚਣਾ ਹੈ ਤਾਂ ਏਕਤਾ, ਭਾਈਚਾਰਕ ਸਾਂਝ, ਇਹਨਾਂ ਚਾਲਾਕੀ ਭਰੀਆਂ ਸਕੀਮਾਂ ਪ੍ਰਤੀ ਚੌਕੰਨੇ ਹੋਣਾ ਅਤਿ ਜ਼ਰੂਰੀ ਹੈ ਤਾਂ ਕਿ ਪੂੰਜੀਵਾਦ ਦੇ ਪੈਰ ਏਥੇ ਪਸਰਨ ਨਾ ਦਿੱਤੇ ਜਾਣ ਤੇ ਸਾਡਾ ਮੁਢਲਾ ਸਮਾਜਿਕ ਭਾਈਚਾਰਕ ਢਾਂਚਾ ਕਾਇਮ ਰੱਖਿਆ ਜਾ ਸਕੇ।

ਸਕੂਲੀ ਵਿਦਿਆ ਰਾਹੀਂ ਬੱਚਿਆਂ ਨੂੰ ਖੋਖਲਾ ਕਰਨਾ: ਅੰਗਰੇਜ਼ੀ ਦੀ ਇੱਕ ਕਿਤਾਬ ਹੈ dumbing us down ਜਿਸ ਵਿੱਚ ਦਸਿਆ ਗਿਆ ਹੈ ਕਿ ਸਕੂਲੀ ਪੜ੍ਹਾਈ ਸਾਨੂੰ ਕਿਵੇਂ ਗਧਾ ਬਣਾਉਂਦੀ ਹੈ। ਅੱਜ ਦਾ ਵਿਦਿਅੱਕ ਢਾਂਚਾ ਅਜਿਹਾ ਹੈ ਕਿ 12 ਸਾਲ ਸਕੂਲ਼ ਵਿੱਚ ਪੜ੍ਹ ਕੇ, ਓਸ ਤੋਂ ਬਾਅਦ 3- 4 ਸਾਲ ਦੀ ਡਿਗਰੀ ਕਰਕੇ ਵੀ ਸਾਨੂੰ ਇਹ ਨਹੀਂ ਪਤਾ ਹੁੰਦਾ ਕਿ ਅਸੀਂ ਆਪਣਾ ਕਮਾਈ ਦਾ ਸਾਧਨ ਬਣਾ ਲਿਆ। ਅਸੀ ਆਮ ਦੇਖਦੇ ਹਾਂ ਕਿ ਪੀ ਐਚ ਡੀ ਕਰਨ ਵਾਲ਼ੇ ਨੌਜਵਾਨ ਸਬਜ਼ੀ ਦੀ ਰੇਹੜੀ ਲਗਾ ਕੇ ਬੈਠੇ ਹਨ। ਜਦਕਿ ਪੁਰਾਣੇ ਸਮੇਂ ਵਿੱਚ ਪੜ੍ਹਾਈ ਤੋਂ ਜਿਆਦਾ ਹੱਥੀ ਪ੍ਰੈਕਟਿਕਲ ਕੰਮ ਤੇ ਜ਼ੋਰ ਦਿੱਤਾ ਜਾਂਦਾ ਸੀ। ਦੂਜਾ ਅਸੀਂ ਆਪ ਇਸਦੇ ਖ਼ੁਦ ਜ਼ਿੰਮੇਵਾਰ ਵੀ ਹਾਂ ਕਿ ਅਸੀਂ ਮਿਹਨਤ ਵਾਲ਼ੇ ਪੇਸ਼ੇ ਤੋਂ ਭਗੌੜੇ ਹੋ ਕੇ ਕੁਰਸੀ ਤੇ ਬੈਠਣ ਵਾਲੀਆਂ ਨੌਕਰੀਆਂ ਪਿੱਛੇ ਭੱਜਦੇ ਹਾਂ। ਖੇਤੀ ਕੋਈ ਨਹੀਂ ਕਰਨਾ ਚਾਹੁੰਦਾ ਪਰ ਚੰਗੀ ਰੋਟੀ ਹਰ ਕਿਸੇ ਨੂੰ ਚਾਹੀਦੀ ਹੈ। ਇਹ ਸਭ ਦੁਨਿਆਵੀ ਵਿਦਿਆ ਦਾ ਅਸਰ ਹੈ। ਸਾਡੇ ਬੱਚੇ ਗੁਰਬਾਣੀ ਤੇ ਸਾਡੇ ਇਤਿਹਾਸ ਤੋਂ ਦੂਰ ਹੋਕੇ ਪਤਾ ਨਹੀਂ ਕਿਹੜੇ ਬੁਜਦਿਲ ਕੌਮਾਂ ਦੇ ਇਤਿਹਾਸ ਪੜ੍ਹ ਰਹੇ ਨੇ। ਸਾਡੀ ਬੋਲੀ, ਸਾਡਾ ਪਹਿਰਾਵਾ ਤੇ ਸਾਡੇ ਬੱਚਿਆਂ ਵਿੱਚ ਕਾਮ ਵਾਸਨਾ ਤੇ ਕ੍ਰੋਧ ਦਾ ਵਧਣਾ ਸਭ ਇਹ ਸਕੂਲੀ ਵਿਦਿਆ ਦਾ ਨਤੀਜਾ ਹੈ ਪਰ ਸਾਡੇ ਲਈ ਪੈਸਾ ਮੁੱਖ ਹੈ।ਇਹ ਇਹਦੇ ਵਿਚ ਮਾਹਰਾਂ ਨੂੰ ਕੋਈ ਸ਼ੱਕ ਨਹੀਂ ਕਿ ਅਜੋਕੀ ਸਕੂਲੀ ਤੇ ਯੂਨੀਵਰਸਿਟੀਆਂ ਦੀ ਵਿਦਿਆ ਬੱਚਿਆਂ ਨੂੰ ਸਹੀ ਗਿਆਨ ਨਾ ਦੇ ਕੇ ਉਹਨਾਂ ਨੂੰ ਸਿਰਫ਼ ਅਖਾਉਤੀ ਡਿਗਰੀਆਂ ਦਿੰਦੀ ਹੈ ਤੇ ਇਹਨਾਂ ਤੋਂ ਬਾਹਰ ਆ ਕੇ ਉਹ ਕੋਈ ਵੀ ਪ੍ਰੈਕਟਿਕਲ ਕੰਮ ਕਰਨ ਦੇ ਯੋਗ ਨਹੀਂ ਰਹਿੰਦੇ। ਉਹਨਾਂ ਨੂੰ ਸਰਕਾਰੀ ਨੌਕਰੀਆਂ ਦੀ ਝਾਕ ਰਹਿੰਦੀ ਹੈ ਪਰ ਇਸ ਦੇ ਉਲਟ ਬਹੁਤ ਸਾਰੇ ਮਾਹਰ ਅਜਿਹੀ ਸੋਚ ਵਾਲੇ ਵੀ ਹਨ ਜਿਹਨਾਂ ਦਾ ਮੰਨਣਾ ਹੈ ਕਿ ਅੱਖਰ ਗਿਆਨ ਵੀ ਬੱਚਿਆਂ ਲਈ ਬਹੁਤ ਜ਼ਰੂਰੀ ਹੈ। 

ਇਹ ਜਾਣਦੇ ਹੋਏ ਵੀ ਕਿ ਇਹ ਵਿਦਿਆ ਸਾਡੇ ਬੱਚਿਆਂ ਦੇ ਹਾਣ ਦੀ ਨਹੀਂ, ਤਾਂ ਵੀ ਇਹ ਦਿਵਾਉਣੀ ਲਾਜ਼ਮੀ ਹੈ ਕਿਉਂਕਿ ਹਰੇਕ ਮਾਪਾ ਘਰ ਵਿਚ ਬੱਚਿਆਂ ਨੂੰ ਅੱਖਰ ਗਿਆਨ ਨਹੀਂ ਦੇ ਸਕਦਾ ਪਰ ਇਹਦੇ ਨਾਲ ਨਾਲ ਹਰ ਮਾਪਾ ਆਪਣੇ ਬੱਚਿਆਂ ਨੂੰ ਨੈਤਿਕ ਤੇ ਆਪਣੇ ਆਪਣੇ ਧਰਮ ਦਾ ਸਹੀ ਗਿਆਨ ਕਰਵਾਉਣਾ ਹਰਗਿਜ਼ ਨਾ ਭੁੱਲੇ ਤੇ ਉਹਨਾਂ ਨੂੰ ਲਾਜ਼ਮੀ ਤੌਰ 'ਤੇ ਇਹ ਸੁਦ੍ਰਿੜ੍ਹ ਕਰਵਾਇਆ ਜਾਵੇ ਕਿ ਘਰ ਤੋਂ ਮਿਲੀ ਇਹ ਨੈਤਿਕਤਾ ਤੇ ਮਾਨਵਤਾ ਦੀ ਸਿੱਖਿਆ ਉਹਨਾਂ ਦੇ ਜੀਵਨ ਦਾ ਮੂਲ ਆਧਾਰ ਬਣਨੀ ਚਾਹੀਦੀ ਹੈ। ਬੱਚੇ ਨੂੰ ਖੇਤੀ ਦੇ ਕੰਮ ਦੀ ਮਹਾਨਤਾ ਤੇ ਉੱਤਮਤਾ ਸਮਝਾਉਣੀ ਮਾਪੇ ਦਾ ਫ਼ਰਜ਼ ਹੈ। ਜਿਹੜੇ ਲੋਕਾਂ ਕੋਲ ਜ਼ਮੀਨਾਂ ਨਹੀਂ, ਉਹ ਆਪਣੇ ਬੱਚਿਆਂ ਨੂੰ ਪੜ੍ਹਾਈ ਦੇ ਨਾਲ ਹੋਰ ਕਿੱਤਿਆਂ ਜਿਵੇਂ ਰਾਜ-ਮਿਸਤਰੀ, ਪਲੰਬਰੀ, ਮਕੈਨਕੀ, ਦਸਤਕਾਰੀ ਵਰਗੇ ਹੱਥੀਂ ਕੀਤੇ ਜਾਣ ਵਾਲੇ ਕੰਮਾਂ ਦੀ ਸਿੱਖਿਆ ਲਾਜ਼ਮੀ ਦਿਵਾਉਣ ਤੇ ਹਰ ਧੀ ਨੂੰ ਜੁੱਡੋ/ਕਰਾਟੇ , ਮਾਰਸ਼ਲ ਆਰਟ ਜਾਂ ਗੱਤਕੇ ਦੀ ਸਿੱਖਿਆ ਲਾਜ਼ਮੀ ਦਿਵਾਈ ਜਾਵੇ ਤਾਂ ਕਿ ਉਹ ਆਪਣੀ ਰੱਖਿਆ ਆਪ ਕਰਨ ਦੇ ਸਮਰੱਥ ਹੋ ਸਕੇ। ਲੋਕਾਂ ਨੂੰ ਆਪਸੀ ਭਾਈਚਾਰਕ ਸਾਂਝ ਇਕ ਮਾਡਲ ਵਾਂਗ ਓਸੇ ਤਰ੍ਹਾਂ ਵਿਕਸਤ ਕਰਨੀ ਪਵੇਗੀ ਜਿਵੇਂ ਕਿਸਾਨ ਅੰਦੋਲਨ ਸਮੇਂ ਦਿੱਲੀ ਦੇ ਮੋਰਚੇ ਵਿਚ ਕੀਤੀ ਗਈ ਸੀ। ਵਿਸ਼ਲੇਸ਼ਕ ਮੰਨਦੇ ਹਨ ਕਿ ਜੇ ਲੋਕਾਂ ਨੇ ਇਹਨਾਂ ਸਭ ਨੁਕਤਿਆਂ ਵੱਲ ਧਿਆਨ ਦਿੱਤਾ ਤਾਂ ਹੋ ਸਕਦਾ ਹੈ ਪੰਜਾਬੀ ਲੋਕ ਨਿਊ ਵਰਲਡ ਆਰਡਰ ਵਾਲਿਆਂ ਨੂੰ ਕਰਾਰੀ ਮਾਤ ਦੇਣ ਦੇ ਕਾਬਲ ਬਣ ਸਕਣਗੇ ਪਰ ਦੂਜੇ ਪਾਸੇ ਜੇ ਉਹ ਇਹਨਾਂ ਦੀਆਂ ਲੋਕ-ਲੁਭਾਉਣੀਆਂ ਪਰ ਅਸਲ ਵਿਚ ਮਾਰੂ ਚਾਲਾਂ ਦੇ ਛਲਾਵੇ ਵਿਚ ਉਲ਼ਝਦੇ ਗਏ ਤਾਂ ਸਾਡੀ ਕੌਮ ਸਦਾ ਲਈ ਪੂੰਜੀਵਾਦ ਦੀ ਗ਼ੁਲਾਮ ਬਣ ਜਾਏਗੀ! ਸੋਚਣਾ ਹੁਣ ਪੰਜਾਬੀਆਂ ਨੇ ਹੈ ਕਿ ਉਹ ਕੀ ਕਰਨਾ ਚਾਹੁੰਦੇ ਹਨ! 

 ਖੇਤੀ ਯੋਗ ਜ਼ਮੀਨ ਅਤੇ ਘਰਾਂ ਉੱਤੇ ਕਬਜ਼ਾ:

ਵਿਸ਼ਲੇਸ਼ਕਾਂ ਦਾ ਕਹਿਣਾ ਹੈ ਕਿ ਦੁਨੀਆ ਭਰ ਵਿਚ ਖੇਤੀ ਯੋਗ ਜ਼ਮੀਨਾਂ ਉੱਤੇ ਕਾਰਪੋਰੇਟ ਘਰਾਣੇ ਕਬਜ਼ਾ ਕਰ ਰਹੇ ਹਨ। ਇਸ ਦੀ ਸਾਫ਼ ਉਦਾਹਰਣ ਬਿੱਲ ਗੇਟਸ ਹੈ ਜੋ ਸਾਫਟਵੇਅਰ ਦਾ ਮਾਲਕ ਸੀ ਪਰ ਅੱਜ ਉਹ ਵੱਖ ਵੱਖ ਦੇਸ਼ਾਂ ਵਿਚ ਹਜ਼ਾਰਾਂ ਲੱਖਾਂ ਏਕੜ ਜ਼ਮੀਨ ਉੱਤੇ ਕਬਜ਼ਾ ਕਰਕੇ ਬੈਠਾ ਹੈ। ਇਹੀ ਨੁਸਖ਼ਾ ਭਾਰਤ ਵਿਚ ਤਿੰਨ ਕਾਲੇ ਕਾਨੂੰਨਾਂ ਦੇ ਰੂਪ ਵਿਚ ਆਇਆ। ਇਹਦੇ ਪਿੱਛੇ ਇਕੋ ਇਕ ਕਾਰਨ ਸੀ ਹਰ ਕਿਸਾਨ ਦੀ ਜ਼ਮੀਨ ਨੂੰ ਹਥਿਆਉਣਾ! ਕਾਰਪੋਰੇਟ ਘਰਾਣੇ ਜ਼ਮੀਨਾਂ ਉੱਤੇ ਕਬਜ਼ਾ ਕਰਕੇ ਕੀ ਕਰਨਗੇ? ਇਹ ਲੋਕ ਆਪਣੇ ਹਜ਼ਾਰਾਂ ਏਕੜ ਦੇ ਕ੍ਰਿਸਟਲਜ਼ (ਵੱਡੇ ਵੱਡੇ ਖੇਤ) ਬਣਾਉਣਗੇ, ਓਥੇ ਵੱਡੀਆਂ ਵੱਡੀਆਂ ਮਸ਼ੀਨਾਂ ਨਾਲ ਖੇਤੀ ਕਰਨਗੇ ਅਤੇ ਬੇਜ਼ਮੀਨੇ ਕਿਸਾਨ ਉਹਨਾਂ ਲਈ ਮਜ਼ਦੂਰ ਬਣਨਗੇ! ਤੁਹਾਡੀ ਜ਼ਮੀਨ ਉੱਤੇ ਕਬਜ਼ਾ ਕਰਨ ਪਿੱਛੋਂ ਤੁਹਾਡੇ ਘਰਾਂ ਉੱਤੇ ਵੀ ਕਬਜ਼ੇ ਹੋਣਗੇ। ਮਜ਼ਦੂਰ ਦੀ ਮਾਲੀ ਹਾਲਤ ਕਿੰਨੀ ਕੁ ਵਧੀਆ ਹੋ ਸਕਦੀ ਹੈ? ਅੱਗੋਂ ਇਹ ਆਪਣੀਆਂ ਲੂੰਬੜ ਚਾਲਾਂ ਅਧੀਨ ਇਹੋ ਜਿਹੇ ਕਾਨੂੰਨ ਲਿਆਉਣਗੇ ਕਿ ਤੁਸੀਂ ਹੋਰ ਗ਼ਰੀਬ ਹੋ ਜਾਓ ਤੇ ਛੇਤੀ ਹੀ ਆਪਣੇ ਘਰਾਂ ਨੂੰ ਵੇਚਣ ਲਈ ਮਜ਼ਬੂਰ ਹੋ ਜਾਓ! ਜਦ ਤੁਹਾਡੀਆਂ ਜ਼ਮੀਨਾਂ ਅਤੇ ਘਰਾਂ ਉੱਤੇ ਕਬਜ਼ੇ ਹੋ ਗਏ ਤਾਂ ਤੁਹਾਡੇ ਪਿੰਡਾਂ ਨੂੰ ਪੂਰੀ ਤਰ੍ਹਾਂ ਢਹਿ ਢੇਰੀ ਕਰ ਕੇ ਉਥੇ ਵੱਡੇ ਵੱਡੇ ਕੋਲਡ ਸਟੋਰ ਅਤੇ ਗੋਦਾਮ ਉਸਾਰੇ ਜਾਣਗੇ। ਤੁਹਾਡੇ ਪੁਰਾਣੇ ਰਾਹ ਤੇ ਸੜਕਾਂ ਸਭ ਖ਼ਤਮ ਕਰਕੇ ਆਪਣੀ ਸੁਖ ਸੁਵਿਧਾ ਵਾਸਤੇ ਨਵੀਆਂ ਖੁੱਲ੍ਹੀਆਂ ਸੜਕਾਂ ਬਣਾਈਆਂ ਜਾਣਗੀਆਂ ਜਿਹਨਾਂ ਰਾਹੀਂ ਇਹਨਾਂ ਦਾ ਮਾਲ ਬਿਨਾਂ ਰੁਕਾਵਟ ਇਕ ਤੋਂ ਦੂਜੀ ਥਾਂ ਪਹੁੰਚਦਾ ਹੋ ਸਕੇ। ਤੇ ਤੁਹਾਡੇ ਲਈ ਕੀ ਕੀਤਾ ਜਾਵੇਗਾ? 

ਤੁਹਾਡੇ ਵਾਸਤੇ ਸ਼ਹਿਰਾਂ ਦੇ ਨੇੜੇ ਨਿੱਕੇ ਨਿੱਕੇ ਖੁੱਡਿਆਂ ਵਰਗੇ ਘਰਾਂ ਵਾਲੇ ਫਲੈਟ ਉਸਾਰੇ ਜਾਣਗੇ ਜਿੱਥੇ ਤੁਸੀਂ ਮਜ਼ਦੂਰ ਆਪਣੀ ਦਿਨ ਕਟੀ ਤਾਂ ਕਰ ਸਕੋਗੇ ਪਰ ਖੁੱਲ੍ਹ ਕੇ ਜ਼ਿੰਦਗੀ ਜਿਊਣ ਦਾ ਸਲੀਕਾ ਤੁਹਾਡੇ ਤੋਂ ਹਰ ਹਾਲਤ ਖੋਹ ਲਿਆ ਜਾਵੇਗਾ। ਇਸੇ ਕਰਕੇ ਨਿਊ ਵਰਲਡ ਆਰਡਰ ਦੇ ਵਿਰੋਧੀ ਸਭ ਨੂੰ ਅਪੀਲ ਕਰ ਰਹੇ ਹਨ ਕਿ ਹੁਣ ਭੁੱਲ ਕੇ ਵੀ ਆਪਣੇ ਘਰ ਜਾਂ ਜ਼ਮੀਨਾਂ ਨਾ ਵੇਚੋ । ਨੇੜ ਭਵਿੱਖ ਵਿਚ ਇਹ ਬੈਅ-ਨਾਮੇ ਦੀ ਥਾਂ ਰਹਿਣ-ਨਾਮੇ ਉੱਤੇ ਤੁਹਾਡੇ ਘਰ ਤੇ ਜ਼ਮੀਨਾਂ ਹੋ ਸਕਦੈ ਨੜਿੰਨਵੇਂ ਜਾਂ ਸੌ ਸਾਲ ਲਈ ਰਹਿਣ ਰਖਵਾ ਲੈਣ ਤੇ ਤੁਸੀਂ ਪੈਸੇ ਦੇ ਲਾਲਚ ਵਿਚ ਇਹ ਸਭ ਕਰਨ ਲਈ ਤਿਆਰ ਹੋ ਜਾਓ। ਪਰ ਤੁਹਾਡੀਆਂ ਅਗਲੀਆਂ ਨਸਲਾਂ ਇਹ ਘਰ ਤੇ ਜ਼ਮੀਨਾਂ ਕਦੇ ਵੀ ਉਹਨਾਂ ਬਘਿਆੜਾਂ ਤੋਂ ਛੁਡਵਾ ਨਹੀਂ ਸਕਣਗੀਆਂ। ਨਿਊ ਵਰਲਡ ਆਰਡਰ ਦੇ ਆਲੋਚਕਾਂ ਅਨੁਸਾਰ ਆਪਣੇ ਘਰਾਂ ਤੇ ਜ਼ਮੀਨਾਂ ਨੂੰ ਆਪਣੇ ਕੋਲ ਰੱਖੋਗੇ ਤਾਂ ਤੁਹਾਡੀ ਆਜ਼ਾਦੀ ਨੂੰ ਕੋਈ ਖੋਹ ਨਹੀਂ ਸਕੇਗਾ। ਇਸ ਗੱਲ ਨੂੰ ਪੱਲੇ ਬੰਨ੍ਹ ਲਓ ਭਰਾਵੋ ।

ਸੋਨਾ, ਚਾਂਦੀ ਅਤੇ ਨਕਦੀ ਉੱਤੇ ਕਬਜ਼ਾ: ਤੁਹਾਡੇ ਕੋਲ ਜੋ ਵੀ ਸੋਨਾ ਚਾਂਦੀ ਅਤੇ ਨਕਦੀ ਹੈ, ਉਸ ਨੂੰ ਸਾਂਭ ਕੇ ਰੱਖੋ। ਸੋਨਾ ਚਾਂਦੀ ਉਹ ਕੀਮਤੀ ਧਾਤਾਂ ਹਨ ਜਿਹੜੀਆਂ ਕਦੇ ਵੀ ਮੁਸ਼ਕਲ ਵਿਚ ਤੁਹਾਡੇ ਕੰਮ ਆ ਸਕਦੀਆਂ ਹਨ। ਇਹ ਤੁਹਾਡੇ ਉਹ ਅਸਾਸੇ ਹਨ ਜਿਹੜੇ ਦੁੱਖ ਦੀ ਘੜੀ ਹੀ ਨਹੀਂ ਸਗੋਂ ਕਿਸੇ ਅਜਿਹੇ ਸਮੇਂ ਵੀ ਤੁਹਾਡੇ ਕੰਮ ਆ ਸਕਦੀਆਂ ਹਨ ਜਦ ਖ਼ੁਦਾ ਨਾ ਖਾਸਤਾ ਤੁਹਾਡੇ ਨਾਲ ਕੋਈ ਧੋਖਾ ਹੋ ਜਾਵੇ! ਇਹ ਧੋਖਾ ਕਿਸੇ ਵੀ ਰੂਪ ਵਿਚ ਹੋ ਸਕਦਾ ਹੈ! ਖ਼ਾਸ ਕਰਕੇ ਡਿਜੀਟਲ ਕਰੰਸੀ ਨੂੰ ਜੇ ਤੁਸੀਂ ਅਪਣਾਉਂਦੇ ਹੋ ਤਾਂ ਸੋਨਾ, ਚਾਂਦੀ ਤੇ ਨਕਦੀ ਵਰਗੀਆਂ ਚੀਜ਼ਾਂ ਹੀ ਤੁਹਾਡੇ ਕੰਮ ਆ ਸਕਣਗੀਆਂ। ਜ਼ਰਾ ਸੋਚੋ, ਜੇ ਤੁਸੀਂ ਨਕਦਨਾਮੇ ਨੂੰ ਪੂਰੀ ਤਰ੍ਹਾਂ ਨੂੰ ਤਿਆਗ ਕੇ ਨਿਰਾ ਪੁਰਾ ਨੈੱਟ-ਬੈਂਕਿੰਗ, ਡਿਜੀਟਲ ਕਰੰਸੀ ਤੇ ਵੱਖ ਵੱਖ ਐਪਸ ( ਗੂਗਲਪੇ,  ਪੇਟੀਐਮ, ਫੋਨਪੇ, ਯੂਪੀਆਈ ਤੇ ਹੋਰ ਅਜਿਹੀਆਂ ਐਪਸ ਰਾਹੀਂ ਲੈਣ-ਦੇਣ ਕਰਨ ਲੱਗ ਪੈਂਦੇ ਹੋ , ਨਕਦਨਾਮੇ ਨੂੰ ਪੂਰੀ ਤਰ੍ਹਾਂ ਛੱਡ ਦਿੰਦੇ ਹੋ ਤਾਂ ਇਹ ਲੋਕ ਕਿਸੇ ਵੀ ਸਮੇਂ ਤੁਹਾਡੀ ਨੈੱਟ-ਬੈਂਕਿੰਗ ਅਤੇ ਇਹ ਐਪਸ ਫ਼ਰੀਜ਼ ਕਰ ਸਕਦੇ ਹਨ, ਫੇਰ ਤੁਸੀਂ ਨਾ ਨਕਦ ਪੈਸੇ ਕਿਸੇ ਪਾਸਿਉਂ ਕੱਢਵਾ ਸਕੋਗੇ ਤੇ ਨਾ ਵਰਤ ਸਕੋਗੇ। ਹੱਥਲ਼ ਹੋ ਕੇ ਰਹਿ ਜਾਓਗੇ। ਓਸ ਸਮੇਂ ਤੁਹਾਡੇ ਕੋਲ ਜੇ ਸੋਨਾ, ਚਾਂਦੀ ਜਾਂ ਮੁਸੀਬਤ ਸਮੇਂ ਵਰਤਣ ਲਈ ਕੁਝ ਨਕਦੀ ਹੋਵੇਗੀ ਤਾਂ ਉਹੀ ਤੁਹਾਡੇ ਕੰਮ ਆ ਸਕੇਗੀ। ਇਸ ਲਈ ਸੋਨੇ ਚਾਂਦੀ ਦੇ ਗਹਿਣੇ ਆਪਣੇ ਆਪ ਨੂੰ ਸਜਾਉਣ ਲਈ ਖਰੀਦਣ ਦੀ ਥਾਂ ਆਪਣੇ ਅਸਾਸਿਆਂ ਦੇ ਰੂਪ ਵਿਚ ਜਮ‌੍ਹਾ ਕਰਕੇ ਰੱਖੋ ਤੇ ਨਕਦੀ ਤੋਂ ਪੂਰੀ ਤਰ੍ਹਾਂ ਮੂੰਹ ਨਾ ਮੋੜੋ। 

ਹੁਣ ਭਾਰਤੀ ਸਰਕਾਰ ਰਾਹੀਂ ਤਿਆਰ ਡਿਜੀਟਲ ਕਰੰਸੀ ਵੀ ਆ ਚੁੱਕੀ ਹੈ ਜਿਸ ਨੂੰ ਅਪਣਾਉਣ ਵਾਸਤੇ ਤੁਹਾਡੀਆਂ ਬੈਂਕਾਂ ਵੱਲੋਂ ਤੁਹਾਨੂੰ ਮੈਸੇਜ ਮਿਲ ਰਹੇ ਹਨ, ਇਹਨੂੰ ਭੁੱਲ ਕੇ ਵੀ ਸਵੀਕਾਰ ਨਾ ਕਰਿਓ ਕਿਉਂਕਿ ਇਹਦੇ ਨਾਲ ਤੁਹਾਡਾ ਨਕਦ ਪੈਸਾ ਓਸ ਡਿਜੀਟਲ ਕਰੰਸੀ ਵਿਚ ਬਦਲ ਦਿੱਤਾ ਜਾਵੇਗਾ ਤੇ ਤੁਸੀਂ ਇਕ ਤਰ੍ਹਾਂ ਨਾਲ ਆਪਣੇ ਪੈਰੀਂ ਕੁਹਾੜੀ ਮਾਰ ਰਹੇ ਹੋਵੋਗੇ। ਜੋ ਡਿਜੀਟਲ ਕਰੰਸੀ ਬਿੱਟਕੁਆਇਨ ਤੇ ਹੋਰ ਰੂਪਾਂ ਵਿਚ ਆ ਰਹੀ ਹੈ, ਓਥੇ ਵੀ ਫ਼ਰੀਜ਼ ਹੋਣ ਦਾ ਖ਼ਤਰਾ ਹੁੰਦਾ ਹੈ। ਇਹ ਆਲੋਚਕ ਕਹਿੰਦੇ ਹਨ ਕਿ ਉਸ ਕਰੰਸੀ ਨੂੰ ਆਪਣੇ ਉਹਨਾਂ ਪੈਸਿਆਂ ਨਾਲ ਖ਼ਰੀਦੋ, ਜੋ ਤੁਹਾਡੀ ਲੋੜ ਤੋਂ ਬਾਅਦ ਬਚ ਜਾਣ, ਕਦੇ ਵੀ ਲਾਲਚ ਵੱਸ ਆਪਣੇ ਪੈਸੇ ਨੂੰ ਏਸ ਡਿਜੀਟਲ ਕਰੰਸੀ ਵਿਚ ਅੰਨ੍ਹੇਵਾਹ ਨਾ ਲਾਓ ਤਾਂ ਹੀ ਭਵਿੱਖ ਵਿਚ ਤੁਸੀਂ ਬਚ ਸਕਦੇ ਹੋ।

 ਮਨਚਾਹੀਆਂ ਸਰਕਾਰਾਂ:

 ਜਿਹੜੇ ਦੇਸ਼ ਨਿਊ ਵਰਲਡ ਆਰਡਰ ਦੇ ਰਾਹ ਦੀ ਰੋਕ ਬਣਨਗੇ, ਉਹਨਾਂ ਸਰਕਾਰਾਂ ਨੂੰ ਲਾਂਭੇ ਕਰਨ ਦੇ ਸਿੱਧੇ ਅਸਿੱਧੇ ਢੰਗ ਹਰ ਹੀਲੇ ਵਰਤੇ ਜਾਣਗੇ। ਉਹਨਾਂ ਦੇ ਵਿਰੋਧੀ ਦਲਾਂ ਰਾਹੀਂ, ਫ਼ੌਜ ਦੇ ਤਖ਼ਤਾ ਪਲਟ ਦੁਆਰਾ ਜਾਂ ਸੰਯੁਕਤ ਰਾਸ਼ਟਰ ਸੰਘ ਦੀ ਸਹਿਮਤੀ ਜਾਂ ਅਸਹਿਮਤੀ ਦੇ ਚੱਲਦਿਆਂ ਵੀ ਉਹਨਾਂ ਦੇਸ਼ਾਂ ਉੱਤੇ ਹਮਲਾ ਕਰਕੇ ਉਥੇ ਮਨਮਰਜ਼ੀ ਦੀਆਂ ਸਰਕਾਰਾਂ ਸਥਾਪਤ ਕੀਤੀਆਂ ਜਾਣਗੀਆਂ। ਇਹ ਸਭ ਕੁਝ ਕਿਉਂਕਿ ਅਮਰੀਕਾ ਦੀ ਸਰਦਾਰੀ ਹੇਠ ਹੋ ਰਿਹਾ ਹੈ ਇਸ ਕਾਰਨ ਇਰਾਨ ਇਰਾਕ ਉੱਤੇ ਅਮਰੀਕੀ ਹਮਲੇ, ਅਰਬ ਕ੍ਰਾਂਤੀ ਜਿਸਨੂੰ ਜਾਸਮੀਨ ਕ੍ਰਾਂਤੀ ਦੇ ਨਾਂ ਵੀ ਜਾਣਿਆ ਜਾਂਦਾ ਹੈ, ਇਸੇ ਸਾਜ਼ਿਸ਼ ਤਹਿਤ ਆਉਂਦੇ ਹਨ। ਇਰਾਕ, ਲਿਬੀਆ, ਮਿਸਰ, ਟਿਊਨੇਸ਼ੀਆ ਵਰਗੇ ਦੇਸ਼ਾਂ ਦੀਆਂ ਸਰਕਾਰਾਂ ਅਮਰੀਕੀ ਧੌਂਸ ਨੇ ਉਖਾੜ ਸੁੱਟੀਆਂ। ਅਜੇ ਸੀਰੀਆ ਇਸ ਨਾਲ ਦੋ ਚਾਰ ਹੋ ਰਿਹਾ ਹੈ।‌

ਜੇ ਅਸੀਂ ਸੋਚਦੇ ਹਾਂ ਕਿ ਸਾਡੇ ਏਥੇ ਤਾਂ ਲੋਕ ਤੰਤਰ ਹੈ, ਸਰਕਾਰਾਂ ਲੋਕ ਚੁਣਦੇ ਹਨ ਤਾਂ ਅਸੀਂ ਬਹੁਤ ਵੱਡੇ ਭੁਲੇਖੇ ਵਿਚ ਜਿਉਂ ਰਹੇ ਹਾਂ। ਇਥੇ ਚੋਣਾਂ ਵਿਚ ਖ਼ੁਫ਼ੀਆ ਸੋਸਾਇਟੀਆਂ ਪਰਦੇ ਪਿੱਛੇ ਜੋ ਦਖ਼ਲ ਅੰਦਾਜ਼ੀ ਕਰਦੀਆਂ ਹਨ ਉਸ ਕਾਰਨ ਸਰਕਾਰ ਨਿਊ ਵਰਲਡ ਆਰਡਰ ਦੇ ਕਰਿੰਦਿਆਂ ਦੀ ਹੀ ਬਣਦੀ ਹੈ। ਇਹ ਗੱਲ ਵੀ ਸਹੀ ਹੈ ਕਿ ਸਾਡੇ ਦੇਸ਼ ਵਿਚ ਪਾਰਟੀ ਕੋਈ ਵੀ ਹੋਵੇ, ਚੱਲੇਗੀ ਨਿਊ ਵਰਲਡ ਆਰਡਰ ਵਾਲਿਆਂ ਨਾਲ ਮਿਲਕੇ ਹੀ ! ਫ਼ਰਕ ਸਿਰਫ਼ ਇਹ ਹੋਏਗਾ ਕਿ ਜਿਹੜੀ ਪਾਰਟੀ ਨਿਊ ਵਰਲਡ ਆਰਡਰ ਦੇ ਏਜੰਡੇ ਨੂੰ ਪੂਰੀ ਖੁੱਲ੍ਹ ਦਿਲੀ ਨਾਲ ਲਾਗੂ ਕਰਨਾ ਮੰਨੇਗੀ, ਸਰਕਾਰ ਓਸੇ ਪਾਰਟੀ ਦੀ ਬਣਾ ਦਿੱਤੀ ਜਾਏਗੀ। ਚੋਣ ਆਯੋਗ ਵਰਗੀਆਂ ਸੰਸਥਾਵਾਂ ਉਹਨਾਂ ਦੇ ਹੱਥਾਂ ਦੀਆਂ ਕਠਪੁਤਲੀਆਂ ਹੀ ਹਨ। ਸਾਡੇ ਹਾਕਮ ਆਉਂਦੇ ਸਾਲਾਂ ਵਾਸਤੇ ਆਪਣੇ ਦਮਗਜੇ ਐਵੇਂ ਨਹੀਂ ਮਾਰ ਰਹੇ। ਇਸ ਗੱਲ ਨੂੰ ਬੜੀ ਗ਼ੌਰ ਨਾਲ ਵਿਚਾਰਨਾ ਬਣਦਾ ਹੈ। 

ਲੋਕਾਂ ਦੇ ਹਥਿਆਰ ਰੱਖਣ ਉੱਤੇ ਪਾਬੰਦੀ:

ਪਹਿਲਾਂ ਲੋਕਾਂ ਦੇ ਘਰਾਂ ਵਿਚ ਆਮ ਹੀ ਹਥਿਆਰ ਰੱਖੇ ਹੋਏ ਹੁੰਦੇ ਸਨ ਪਰ ਹੁਣ ਸਰਕਾਰ ਦੀ ਪਾਲਿਸੀ ਅਧੀਨ ਹਥਿਆਰਾਂ ਦੇ ਲਾਈਸੈਂਸ ਦੇਣ ਤੋਂ ਕੰਨੀ ਕਤਰਾਈ ਜਾ ਰਹੀ ਹੈ ਅਤੇ ਜਿਹਨਾਂ ਕੋਲ ਪਹਿਲਾਂ ਹਥਿਆਰ ਹਨ ਵੀ, ਉਹਨਾਂ ਦੇ ਕੁਝ ਹਥਿਆਰਾਂ ਦੇ ਲਾਈਸੈਂਸ ਕੈਂਸਲ ਕੀਤੇ ਜਾ ਰਹੇ ਹਨ। ਵਿਸ਼ਲੇਸ਼ਕਾਂ ਦੀ ਸ਼ੰਕਾ ਹੈ ਕਿ ਇਹ ਨੀਤੀ ਲੋਕਾਂ ਨੂੰ ਨਿਹੱਥੇ ਕਰਕੇ ਦਬਾਉਣ ਲਈ ਵਰਤਣ ਵਾਸਤੇ ਹੈ। ਇਸ ਕਰਕੇ ਸਾਨੂੰ ਇਸਦਾ ਵਿਰੋਧ ਕਰਨਾ ਚਾਹੀਦਾ ਹੈ।1984 ਵੇਲੇ ਜਿਵੇਂ ਅਚਾਨਕ ਸਿੱਖਾਂ ਦੀ ਨਸਲਕੁਸ਼ੀ ਕੀਤੀ ਗਈ ਤਾਂ ਹੁਣ ਵੀ ਅਜਿਹੀ ਕੋਈ ਚਾਲ ਕਿਸੇ ਸਰਕਾਰ ਵੱਲੋਂ ਚੱਲੀ ਜਾ ਸਕਦੀ ਹੈ ਇਸ ਕਰਕੇ ਹਰੇਕ ਦਾ ਹਥਿਆਰਬੰਦ ਹੋਣਾ ਜ਼ਰੂਰੀ ਹੈ। ਖ਼ਾਸ ਕਰਕੇ ਘੱਟ ਗਿਣਤੀ ਕੌਮਾਂ ਨੂੰ ਆਪਣੀ ਰੱਖਿਆ ਲਈ ਹਥਿਆਰ ਰੱਖਣੇ ਅਤਿ ਜ਼ਰੂਰੀ ਹਨ। ਸਾਨੂੰ ਤਾਂ ਸਾਡੇ ਗੂਰੂ ਨੇ ਹੀ ਕਹਿ ਦਿੱਤਾ ਹੈ 

ਬਿਨਾ ਸਸਤ੍ਰ ਕੇਸੰ ਨਰੰ ਭੇਡ ਜਾਨੋ । ਗਹੇ ਕਾਂਨ ਤਾ ਕੌ ਕਿਤੇ ਲੈ ਸਿਧਾਨੋ ।੯੮।⁣

ਇਹੈ ਮੋਰ ਆਗਿਆ ਸੁਨੋ ਲੈ ਪਿਆਰੇ । ਬਿਨਾ ਤੇਗ ਕੇਸੰ ਦਿਵੋ ਨ ਦਿਦਾਰੇ ।⁣

ਬਨਾਉਟੀ ਹੁਸ਼ਿਆਰੀ ਨਾਲ ਲੋਕ-ਮਾਨਸ ਦੀ ਦਿਮਾਗ਼ੀ ਸ਼ਕਤੀ ਕਮਜ਼ੋਰ ਕਰਨਾ :     

ਅੱਜ ਇਕ ਹੋਰ ਬੜਾ ਮਹੱਤਵਪੂਰਨ ਸਾਫਟਵੇਅਰ ਆ ਗਿਆ ਹੈ। ਤੁਸੀਂ ਦੇਖਿਆ ਹੋਵੇਗਾ ਕਿ ਤੁਸੀਂ ਆਪਣੇ ਮੋਬਾਇਲ ਉੱਤੇ ਜਿਸ ਵੀ ਚੀਜ਼ ਜਾਂ ਜਿਸ ਵੀ ਵਿਸ਼ੇ ਦੀ ਖੋਜ ਕਰਦੇ ਹੋ, ਤੁਹਾਡੇ ਗੂਗਲ ਜਾਂ ਯੂਟਿਊਬ ਐਪ ਓਸੇ ਤਰ੍ਹਾਂ ਦੇ ਵਿਸ਼ੇ ਤੁਹਾਨੂੰ ਦਿਖਾਉਣ ਲੱਗਦੇ ਹਨ। ਜੇ ਕਿਸੇ ਨੇ ਕਿਸੇ ਸਕੂਟਰ ਜਾਂ ਕਾਰ ਕੰਪਨੀ ਕੋਲ ਜਾ ਕੇ ਕੋਈ ਅਜਿਹਾ ਵਾਹਨ ਲੈਣ ਬਾਰੇ ਪੁੱਛ-ਗਿੱਛ ਕੀਤੀ ਹੁੰਦੀ ਹੈ ਤਾਂ ਉਸ ਦੇ ਮੋਬਾਇਲ ਉੱਤੇ ਉਸੇ ਤਰ੍ਹਾਂ ਦੇ ਵਾਹਨਾਂ ਦੀਆਂ ਵੱਖ ਵੱਖ ਕੰਪਨੀਆਂ ਵੱਲੋਂ ਉਸਨੂੰ ਫ਼ੋਨ ਤੱਕ ਆਉਣੇ ਸ਼ੁਰੂ ਹੋ ਜਾਂਦੇ ਹਨ ਤੇ ਉਹ ਹੈਰਾਨ ਪ੍ਰੇਸ਼ਾਨ ਹੋਇਆ ਸੋਚਦਾ ਹੈ ਕਿ ਮੈਂ ਤਾਂ ਇਸ ਕੰਪਨੀ ਜਾਂ ਇਸ ਦੁਕਾਨ ਉੱਤੇ ਗਿਆ ਹੀ ਨਹੀਂ ਸੀ ! ਇਹਨਾਂ ਨੂੰ ਕਿਵੇਂ ਪਤਾ ਲੱਗਾ ਕਿ ਮੈਂ ਅਜਿਹਾ ਕੁਝ ਖ਼ਰੀਦਣ ਦੀ ਸੋਚ ਰਿਹਾ ਹਾਂ? ਤਾਂ ਹੈਰਾਨ ਨਾ ਹੋਵੋ, ਇਹ ਸਭ‌ ਆਰਟੀਫਿਸ਼ਲ ਇੰਨਟੈਲੀਜੈਂਸੀ ਨਾਂ ਦੇ ਸਾੱਫ਼ਟਵੇਅਰ ਦੀ ਬਦੌਲਤ ਹੋ ਰਿਹਾ ਹੈ। ਕਈ ਆਲੋਚਕ ਤਾਂ ਇਹ ਵੀ ਕਹਿੰਦੇ ਹਨ ਕਿ ਤੁਹਾਡਾ ਫੋਨ ਜੇ ਤੁਹਾਡੇ ਕੋਲ ਬੰਦ ਵੀ ਪਿਆ ਹੈ ਤਾਂ ਵੀ ਉਹਦੀ ਨਜ਼ਰ ਤੁਹਾਡੇ ਉੱਤੇ ਹੈ। ਤੁਸੀਂ ਕਿਸ ਨਾਲ ਕੀ ਗੱਲ ਕਰ ਰਹੇ ਹੋ? ਕੀ ਖਾ ਪੀ ਰਹੇ ਹੋ ਜਾਂ ਹੋਰ ਜਿਹੜੀ ਵੀ ਗਤੀਵਿਧੀ ਤੁਸੀਂ ਕਰ ਰਹੇ ਹੋ, ਉਸ ਸਭ ਦੀ ਜਾਣਕਾਰੀ ਇਹ ਫੋਨ ਕੰਪਨੀਆਂ ਤੱਕ ਪੁਚਾ ਰਹੇ ਹਨ ਤੇ ਇਹ ਇਕ ਤਰ੍ਹਾਂ ਤੁਹਾਡੇ ਮੂਕ(ਚੁੱਪ) ਜਾਸੂਸ ਦਾ ਕੰਮ ਕਰ ਰਹੇ ਹਨ। ਮਾਹਰ ਦੱਸਦੇ ਹਨ ਕਿ ਬਹੁਤ ਛੇਤੀ ਇਹ ਆਰਟੀਫਿਸ਼ਲ ਇੰਨਟੈਲੀਜੈਂਸੀ ਤੁਹਾਡੇ ਨਿੱਜੀ ਜੀਵਨ ਵਿਚ ਇਸ ਤਰ੍ਹਾਂ ਘੁਸਪੈਠ ਕਰ ਜਾਵੇਗੀ ਕਿ ਤੁਸੀਂ ਇਸਨੂੰ ਹੀ ਸਭ ਤੋਂ ਵੱਡੀ ਸਹਾਇਕ ਓਵੇਂ ਹੀ ਮੰਨਣ ਲੱਗ ਪਓਗੇ ਜਿਵੇਂ ਅੱਜ ਮੋਬਾਇਲ ਨੂੰ ਮੰਨਦੇ ਹੋ। ਤੁਹਾਡੇ ਬੋਲਣ ਭਰ ਉੱਤੇ ਤੁਹਾਡਾ ਹਰ ਕੰਮ ਹੋ ਜਾਇਆ ਕਰੇਗਾ ਤੇ ਇਹਦਾ ਸਭ ਤੋਂ ਵੱਡਾ ਨੁਕਸਾਨ ਸਾਡੇ ਪੜ੍ਹਾਕੂਆਂ ਨੂੰ ਹੋਵੇਗਾ ਕਿਉਂਕਿ ਗਿਣਤੀ ਮਿਣਤੀ ਜਿਸ ਨੂੰ ਹੁਣ ਵੀ ਉਹ ਕੈਲਕੁਲੇਟਰ ਨਾਲ ਕਰਦੇ ਹਨ ਤੇ ਪਹਾੜੇ ਵਗ਼ੈਰਾ ਯਾਦ ਹੀ ਨਹੀਂ ਕਰਦੇ ਤਾਂ ਓਸ ਹਾਲਤ ਵਿਚ ਜਦ ਬੋਲ ਕੇ ਹੀ ਸਭ ਕੁਝ ਹੋ ਜਾਵੇਗਾ ਤਾਂ ਨਾ ਪੜ੍ਹਾਕੂ ਤੇ ਨਾ ਆਮ ਲੋਕ ਆਪਣੇ ਦਿਮਾਗ਼ ਦੀ ਵਰਤੋਂ ਕਰਨਗੇ। ਇਉਂ ਜਦ ਦਿਮਾਗ਼ ਦੀ ਵਰਤੋਂ ਹੀ ਨਹੀਂ ਹੋਵੇਗੀ ਤਾਂ ਉਹ ਕਿਰਿਆਸ਼ੀਲ ਨਾ ਰਹਿ ਕੇ ਸੁੰਨ ਹੋ ਜਾਵੇਗਾ। ਜਿਵੇਂ ਅੱਜ ਅਸੀਂ ਬਜ਼ੁਰਗਾਂ ਨੂੰ ਕਹਿੰਦੇ ਹਾਂ ਕਿ ਗੋਡੇ ਗਿੱਟੇ ਚੱਲਦੇ ਰੱਖਣ ਲਈ ਉਹ ਤੁਰਦੇ ਫਿਰਦੇ ਰਹਿਣ ਤਾਂ ਚੰਗੇ ਰਹਿਣਗੇ ਨਹੀਂ ਤਾਂ ਇਹ ਗੋਡੇ ਗਿੱਟੇ ਮੂਲੋਂ ਹੀ ਜੁਆਬ ਦੇ ਜਾਣਗੇ। ਬਿਲਕੁਲ ਏਹੀ ਹਾਲਤ ਨੇੜ ਭਵਿੱਖ ਵਿਚ ਸਾਡੇ ਦਿਮਾਗ਼ ਦੀ ਹੋ ਜਾਵੇਗੀ। ਵਿਸ਼ਲੇਸ਼ਕ ਕਹਿੰਦੇ ਹਨ ਕਿ ਜਿਹੜੇ ਸੋਚ ਸਮਝ ਕੇ ਇਹਨਾਂ ਤਕਨੀਕਾਂ ਨੂੰ ਵਰਤਣਗੇ, ਉਹ ਤਾਂ ਸਹੀ ਰਹਿ ਸਕਣਗੇ ਪਰ ਜਿਹੜੇ ਅੰਨ੍ਹੇਵਾਹ ਇਹਨਾਂ ਦੇ ਗ਼ੁਲਾਮ ਬਣ ਜਾਣਗੇ, ਉਹ ਤੇ ਉਹਨਾਂ ਦੀਆਂ ਨਸਲਾਂ ਬਹੁਤੀ ਦੇਰ ਜਿਉਂਦੀਆਂ ਨਹੀਂ ਰਹਿਣਗੀਆਂ।‌

ਬਹੁਤੇ ਲੋਕ ਮੇਰੀਆਂ ਇਹਨਾਂ ਗੱਲਾਂ ਉੱਤੇ ਕੋਈ ਧਿਆਨ ਨਹੀਂ ਵੀ ਦੇਣਗੇ ਤੇ ਇਹਨਾਂ ਵਿਚਾਰਾਂ ਨੂੰ ਨਕਾਰਨਗੇ ਵੀ ! ਪਰ ਇਹਨਾਂ ਵਿਸ਼ਿਆਂ ਉੱਤੇ ਮਾਹਰਾਂ ਦੀਆਂ ਦਲੀਲਾਂ ਨੂੰ ਇਕ ਪਾਸੇ ਸੁੱਟ ਪਾਉਣਾ ਵੀ ਅਕਲਮੰਦੀ ਨਹੀਂ ਕਹੀ ਜਾ ਸਕਦੀ। ਇਹ ਵੀ ਸੱਚ ਕਿ ਤੇਜ਼ੀ ਨਾਲ ਬਦਲ ਰਹੇ ਇਸ ਮਾਹੌਲ ਵਿਚ ਕੋਈ ਇਕ ਮਨੁੱਖ ਆਪਣੇ ਆਪ ਨੂੰ ਇਸ ਸਭ ਤੋਂ ਬਚਾ ਕੇ ਕਿਵੇਂ ਰੱਖੇ ? ਇਹਦਾ ਇਕੋ ਇਕ ਹੱਲ ਏਹੀ ਨਜ਼ਰ ਆਉਂਦਾ ਹੈ ਕਿ ਜਿੱਥੋਂ ਤੱਕ ਹੋ‌ ਸਕੇ ਆਪਣੀ ਭੂਮੀ ਤੇ ਆਪਣੇ ਘਰਾਂ ਨਾਲ ਜੁੜ ਕੇ ਰਿਹਾ ਜਾਵੇ। ਪੈਸੇ ਦੇ ਲਾਲਚ ਵਿਚ ਜਾਂ ਲਾਡਲਿਆਂ ਨੂੰ ਵਿਦੇਸ਼ ਭੇਜਣ ਦੇ ਚੱਕਰ ਵਿਚ ਇਹਨਾਂ ਨੂੰ ਵੇਚਿਆ ਨਾ ਜਾਵੇ। ਕੀਮਤੀ ਧਾਤਾਂ ਨੂੰ ਕੀਮਤੀ ਸਾਮਾਨ ਵਾਂਗ ਸਹੇਜ ਕੇ ਰੱਖਿਆ ਜਾਵੇ। ਨਕਦੀ ਦੀ ਵਰਤੋਂ ਵੱਲੋਂ ਪੂਰੀ ਤਰ੍ਹਾਂ ਮੂੰਹ ਨਾ ਮੋੜਿਆ ਜਾਵੇ। ਨੈੱਟ-ਬੈਂਕਿੰਗ ਤੇ ਹੋਰ ਦੇਣ-ਲੈਣ ਵਾਲੀਆਂ ਐਪਸ ਦੀ ਵਰਤੋਂ ਘੱਟ ਤੋਂ ਘੱਟ ਕੀਤੀ ਜਾਵੇ। ਮੋਬਾਇਲ ਦੀ ਵਰਤੋਂ ਜ਼ਰੂਰਤ ਅਨੁਸਾਰ ਹੀ ਕੀਤੀ ਜਾਵੇ ਤੇ ਇਹ ਹਰ ਵਕਤ ਤੁਹਾਡੀ ਜੇਬ ਵਿਚ ਹੀ ਨਾ ਰਹੇ। ਆਰਟੀਫਿਸ਼ਲ ਇੰਨਟੈਲੀਜੈਂਸੀ ਨੂੰ ਬਹੁਤ ਸੂਝ ਬੂਝ ਨਾਲ ਵਰਤਿਆ ਜਾਵੇ! 

✍️ਡਾ. ਸਵਰਨਜੀਤ ਕੌਰ ਗਰੇਵਾਲ